Imom Buxoriy xalqaro ilmiy-tadqiqot markazi bukhari.uz
Имом Бухорий, Имом Мотуридий, Имом Термизий халқаро илмий-тадқиқот марказлари раҳбар ходимлари 3 февраль куни Куала-Лумпур шаҳрида жойлашган Малайзия халқаро ислом университети ҳузуридаги Ислом тафаккури ва цивилизацияси халқаро институти мутасаддилари билан учрашди. Мулоқот чоғида ислом илми ва маънавиятини чуқур ўрганиш, кўп асрлик илмий меросни асраб, келгуси тадқиқотлар учун янги йўналишлар белгилаш масалаларига алоҳида эътибор қаратилди.
Самимий ва дўстона руҳда кечган учрашувда мовароуннаҳрлик алломалар асарларини ўрганиш ва ёйиш, улар қолдирган бой илмий меросни халқаро миқёсда кенг тарғиб қилиш, шунингдек, қўшма симпозиум ва семинарлар ташкил этиш, турли илмий муассасалар билан ўзаро алоқаларни янада мустаҳкамлаш бўйича ташаббуслар илгари сурилди, илмий жиҳатдан ўзаро манфаатли келишувларга эришилди.
