Imom Buxoriy xalqaro ilmiy-tadqiqot markazi bukhari.uz
Имом Бухорий халқаро илмий-тадқиқот маркази ва Дин ишлари бўйича қўмитанинг Самарқанд вилояти ҳудудий бошқармаси ҳамкорлигида Самарқанд гарнизонига қарашли ҳарбий қисм ва муассасалардаги хизматчилар ва уларнинг оила аъзолари учун “Шукроналик” учрашуви ташкил этилди.
Унда сўзга чиққанлар юртга садоқат, фидойилик туйғуси ватанпарварликнинг олий нишонаси экани, маънавиятга қарши қаратилган жаҳолат ғафлатга, лоқайдлик эса таназзулга дучор этиши ҳақида фикр юритиб, фарзанд тарбиясида миллий ўзлик ва умуман ҳаётни чуқур англайдиган, дунёқараши кенг, мустақил фикрлайдиган ва турли кўринишдаги маънавий таҳдидларга қарши тура оладиган авлодни вояга етказишга асосий эътибор қаратиш зарурлигини таъкидлади.
Учрашув якунида иштирокчиларга “Тинчлик қадри” номли ҳужжатли фильм намойиш этилди.
Имом Бухорий халқаро илмий-тадқиқот маркази
Матбуот хизмати
