Imom Buxoriy xalqaro ilmiy-tadqiqot markazi bukhari.uz
Қорақалпоғистонда иш олиб бораётган тарғибот гуруҳи 29 февраль куни Тўрткўл туманида Тўрткўл ва Элликқалъа туманлари вакиллари иштирокида маънавий-маърифий тадбир ташкил этди.
Унда ижтимоий соҳа вакиллари, давлат ташкилотларининг жойлардаги бўлимлари мутасаддилари, маҳалла раислари, ҳудудлардаги ҳоким ёрдамчилари, маҳалла хотин-қизлар фаоллари, диний соҳа олимлари, мактабгача таълим муассасалари мудирлари, умумтаълим мактаб директорлари ва уларнинг маънавий-маърифий ишлар бўйича ўринбосарлари қатнашди.
Тадбирда мамлакатимизда диний-маърифий соҳада амалга оширилаётган ислоҳотлар мазмун-моҳияти, юртимиздан етишиб чиққан буюк алломалар ва мутафаккирлар ибратли ҳаёти ва бой илмий-маънавий мероси, илм олиш фазилати, диний бағрикенглик ва миллатлараро тотувлик ҳамда ватанпарварлик туйғусини юксалтиришнинг амалий аҳамияти борасида сўз борди.
Тарғиботчилар “Буюк алломаларимиз илмий меросида юксак инсонпарварлик ғоялари тараннуми”, “Ёшларимизни ёт оқимларнинг бузғунчи ғояларидан ҳимоя қилиш” ва “Янги Ўзбекистонда диний-маърифий соҳада амалга оширилаётган ислоҳотлар” мавзуларида маърузалар қилди.
Шунингдек, “Жаҳолатга қарши маърифат – асосий мақсадимиз” номли фильм намойиш қилиниб, марказлар томонидан нашр этилган янги китоб ва рисолалар тақдимоти ташкил этилди.
Имом Бухорий халқаро илмий-тадқиқот маркази
Матбуот хизмати
