Imom Buxoriy xalqaro ilmiy-tadqiqot markazi bukhari.uz
Имом Бухорий халқаро илмий-тадқиқот маркази ходимлари Самарқанд вилоят ҳокимлиги ҳузуридаги фуқароларнинг ўзини ўзи бошқариш органлари ходимлари малакасини ошириш марказида ўқув машғулотларини давом эттирмоқда.
Самарқанд шаҳрининг ўттиздан ортиқ маҳалласи раислари қатнашган машғулотнинг навбатдагиси диний-экстремистик ғоялар таъсиридан сақланиш чораларига бағишланди. Ўқувда, шунингдек, давлатимиз раҳбари томонидан БМТ Бош Ассамблеясининг 78-сессиясида жаҳон миқёсида динлараро бағрикенглик ва ҳамжиҳатлик ғояларини кенг тарғиб этиш мақсадида Ўзбекистонда ЮНЕСКО шафеълигида Динлараро мулоқот ва бағрикенглик халқаро марказини ташкил этиш ҳамда 2024 йилда Ўзбекистонда “Ислом – тинчлик ва эзгулик дини” мавзусида халқаро конференция ўтказиш юзасидан илгари сурилган ташаббусларнинг мазмун-моҳияти ҳам кенг тушунтирилди.
Интерфаол усуллар асосида ўтказилган машғулот савол-жавоблар билан давом этди.
