Imom Buxoriy xalqaro ilmiy-tadqiqot markazi bukhari.uz
Айни кунларда Самарқандда вилоят ҳокимлиги ҳузуридаги фуқароларнинг ўзини ўзи бошқариш органлари ходимлари малакасини ошириш бўйича ўқув курси давом этмоқда.
Унинг доирасида Имом Бухорий халқаро илмий-тадқиқот маркази илмий ходими Шукрилло Умаров иштирокчилар билан “Маҳалла раисларининг ижтимоий-маънавий муҳитни барқарорлаштириш, соғлом турмуш тарзини тарғиб этиш, диний бағрикенглик ва миллатлараро тотувликни таъминлаш бўйича амалга ошираётган ишлари” мавзусида машғулот ўтказди.
Самарқанд шаҳридан 30 нафар раис қатнашган машғулотда маҳаллаларда ижтимоий-маънавий муҳитни янада соғломлаштириш, диний бағрикенглик ва миллатлараро тотувликни таъминлашда эътибор қаратиш лозим бўлган жиҳатлар таҳлил қилиниб, бу йўналишлардаги ишларни янада такомиллаштириш юзасидан зарур илмий-амалий тавсиялар берилди.
