ҚАДР КЕЧАСИ ҲАҚИДА 10 ТА ФАКТ

1️⃣ Минг ойдан афзал кеча: бу кечада қилинган ибодат 83 йилдан ортиқроқ вақт давомида қилинган ибодатга тенгдир.

2️⃣ Тақдирлар белгиланадиган кеча: ушбу кеча давомида ҳар бир инсоннинг келгуси йили учун тақдири белгилаб қўйилади, деб ҳисобланади.

3️⃣ Махфий сир: Лайлатул Қадрнинг аниқ санаси кўрсатилмаган бўлиб, мусулмонларни уни Рамазоннинг охирги ўн кечасида излашга ундайди.

4️⃣ Тоқ кечалар: Пайғамбаримиз соллаллоҳу алайҳи васаллам Қадр кечасини Рамазоннинг охирги ўн куни (21, 23, 25, 27 ва 29-кечалар)дан излашга маслаҳат берганлар.

5️⃣ Фаришталар нозил бўлади: ушбу кеча давомида фаришталар ерга тушиб, сакийнат ва барака олиб келадилар.

6️⃣ Қуръон нозил бўлган кеча: ушбу кеча давомида Қуръони каримнинг илк оятлари Пайғамбар алайҳиссаломга нозил бўлган.

7️⃣ Тинчлик кечаси: Қуръонда унга “Қадр” сурасининг 5-оятида саҳаргача тинчлик ва саломатлик туни дея таъриф берилган.

8️⃣ Гуноҳларнинг мағфират қилиниши: ушбу кеча давомида чин дилдан қилинган ибодат олдинги барча гуноҳларнинг кечирилишига сабаб бўлиши мумкин.

9️⃣ Аломатлари:

• қуёш тонгдан нурсиз бўлиб чиқиши,
• Қадр кечаси ярқираган, иссиқ ҳам эмас, совуқ ҳам эмас, ўша кунги қуёш чиқиши кучсиз қизил бўлиши,
• Қадр кечаси порлоқ кеча бўлиб, иссиқ ҳам совуқ ҳам бўлмаслиги. Бу кечада юлдузлар учмаслиги.

🔟 Руҳий янгиланиш: бу тун инсон руҳиятида янги саҳифани очиш ва Аллоҳга яқинлашиш имкониятидир.

Отабек МУҲАММАДИЕВ
Имом Бухорий халқаро илмий-тадқиқот маркази катта илмий ходими