МАРКАЗ КИТОБЛАРИ ОЛМОНИЯДА ТАҚДИМ ЭТИЛДИ

Германиядаги Осиё-Африка тадқиқотлари институти ҳамда Қўлёзма маданиятини ўрганиш маркази илмий тадқиқотчилари ва талабалари учун Марказ томонидан нашр этилган китоблар тақдимоти ўтказилди.

Тақдимот чоғида Имом Бухорий халқаро илмий-тадқиқот маркази илмий ходими, айни пайтда Германияда амалиёт ўтаётган Барот Амонов Марказ фаолияти, илмий ходимлар томонидан амалга оширилаётган изланишлар, таржима қилинаётган китобларнинг аҳамияти ҳақида сўз юритди. Юртимизда илм-фанга қаратилаётган юксак эътибор, илмий марказлар томонидан амалга оширилаётган тадқиқотлар тўғрисида маълумот берилди.