Марказ илмий жамоаси томонидан нашр этилган янги китоблар тақдимоти ўтказилди

Алишер Навоий номидаги Ўзбекистон миллий кутубхонасида Вазирлар Маҳкамаси ҳузуридаги Имом Бухорий халқаро илмий-тадқиқот маркази томонидан “Жаҳолатга қарши-маърифат” рукни остида нашр этилган “Самарқандлик алломалар”, “Алоуддин ал-Усмандий ас-Самарқандий”, “Имом Бухорий – муҳаддислар султони”, “Имом Бухорий мажмуаси” китоб альбоми ва “Иброҳим Саффор Бухорий” китоблари тақдимоти бўлиб ўтди.
Тадбирда исломшунос ва шарқшунос олимлар, соҳа мутахассислари, тадқиқотчи ва талабалар ҳамда оммавий ахборот воситалари вакиллари иштирок этди.

Имом Бухорий халқаро илмий-тадқиқот маркази
Матбуот хизмати