Imom Buxoriy xalqaro ilmiy-tadqiqot markazi bukhari.uz
Ватанимиз мустақиллигининг 35 йиллиги муносабати билан юртимиз тараққиёти, халқимиз маънавий-маърифий ҳаёти ва Янги Ўзбекистоннинг халқаро нуфузини юксалтиришга муносиб ҳисса қўшиб келаётган турли соҳа вакиллари ҳамда муассаса раҳбарларини тақдирлаш тадбирлари бўлиб ўтмоқда.
Мамлакатимизда бой илмий-маънавий меросни тадқиқ этиш, ислом цивилизацияси ривожига муносиб ҳисса қўшган буюк аждодларимизнинг ижод маҳсулларини халқаро миқёсда кенг тарғиб қилишдаги фидокорона хизматлари учун Имом Бухорий халқаро илмий-тадқиқот маркази директори Шовосил Зиёдов “Ўзбекистон Республикаси мустақиллигининг 35 йиллиги” эсдалик нишони билан тақдирланди.
Юксак мукофотни Самарқанд вилояти ҳокимининг ўринбосари Бобур Каримов тантанали равишда топширди.
Марказ жамоаси муассасамиз раҳбарини ушбу юксак эътироф билан самимий муборакбод этиб, келгуси масъулиятли ва хайрли фаолиятида улкан зафарлар тилайди.
