Imom Buxoriy xalqaro ilmiy-tadqiqot markazi bukhari.uz
24 февраль куни Имом Бухорий халқаро илмий-тадқиқот марказига Тошкентда ўз фаолиятини бошлаган Aл-Бухорий университети раҳбарияти вакиллари, таъсисчи Нозимжон Мaмaтaхунов ҳамда университет ректори Музаффар Aҳмедов бошчилигидаги делегация ташриф буюрди. Меҳмонларни Имом Бухорий халқаро илмий-тадқиқот маркази директори Шовосил Зиёдов кутиб олиб, Марказ фаолияти, кутубхона ва музей билан таништирди.
Ташриф давомида Марказ ва Университет ўртасида икки томонлама ҳамкорлик меморандуми имзоланди.
Унга кўра университетнинг профессор-ўқитувчилари ҳамда талабаларнинг марказ билан ҳамкорликдаги фаолиятини йўлга қўйиш, ўзаро тажриба алмашиш, профессорлар ва ёш изланувчиларнинг фаолиятини ривожлантиришда ҳамкорлик қилиш, илмий семинарлар ўтказиш ва мақолалар чоп этиш, қўлга киритилган илмий ютуқларни амалиётга татбиқ этиш тажрибаси каби қатор долзарб масалалар бўйича ҳамкорлик олиб борилади.
Ташриф якунида Имом Бухорий халқаро илмий-тадқиқот маркази илмий ходимлари томонидан нашр этилган китоблар университет кутубхонасига ҳадя қилинди.
