Қобусномадан ҳикмат

«Эй фарзанд, ўзингни мол жам қилишдан ғофил тутмагил, аммо ҳалоллик билан мол тўплашга ҳаракат қил.
Мол учун ўзингни хавф-хатарга қўйма.

Молни жам этганингдан кейин уни яхши сақлагил ва ҳар бир ярамас иш учун сарф қилаверма, чунки молни сақлаш йиғишдан қийиндир.

Агар керак вақтда зарур иш учун сарф қилсанг, ҳаракат қилиб унинг ўрнини тезда тўлдиргил.

Агар харж қилинган нарсанинг ўрнини тўлдирмасанг, Қоруннинг бойлигидек бўлса ҳам, бир кунда йўқ бўлади.

Мол доим туради, деб унга кўнгил қўймагил, чунки бир кун эмас, бир куни молинг йўқ бўлиб қолса, дилтанг бўлмагайсан».

 Хулоса:
Ҳалол меҳнат билан топилган мол – баракали.
Уни асраш – донолик.
Унга ҳаддан ортиқ боғланиш эса – ғофиллик.