Imom Buxoriy xalqaro ilmiy-tadqiqot markazi bukhari.uz
Сўнгги йилларда юртимизда таълим муассасаларининг моддий-техник базасини мустаҳкамлаш, тадқиқот ишларини рағбатлантириш, илм аҳлига зарур шароитлар яратиб бериш масаласига устувор вазифа сифатида эътибор қаратилмоқда.
Ўзбекистон Республикаси Вазирлар Маҳкамаси ҳузуридаги Имом Бухорий халқаро илмий-тадқиқот маркази ҳам давлатимиз раҳбарининг ташаббуси билан бунёд этилган ёш илмий-тадқиқот муассасаларидан биридир.
Вазирлар Маҳкамаси ҳузуридаги Имом Бухорий халқаро илмий-тадқиқот маркази томонидан амалга оширилаётган ишлар билан халқимизга янада кенроқ маълумот бериш мақсадида жорий йилнинг 23 декабрь куни Марказга журналист ва блогерларнинг Пресс-тури ташкил қилинмоқда.
ПРЕСС-ТУР ДАВОМИДА ИШТИРОКЧИЛАР:
– Имом Бухорий ёдгорлик мажмуасини зиёрат қилиши;
– Вазирлар Маҳкамаси ҳузуридаги Имом Бухорий халқаро илмий-тадқиқот маркази биноси билан танишиши;
– Имом Бухорий ҳаёти ва илмий мероси ҳақида сўзловчи музей ва кутубхона фондини томоша қилиши;
– Илм маскани томонидан халқаро ҳамкорлик ва илмий тадқиқот йўналишида олиб борилаётган ишлар ва истиқболли режалари маълумотларга эга бўлиши;
– Марказ томонидан нашр этилган янги китоблар кўргазмаси;
– Ислом ҳамкорлик ташкилотининг Ислом тарихи, санъати ва маданияти тадқиқ қилиш маркази (IRCICA) томонидан Имом Бухорий халқаро илмий-тадқиқот марказига совға қилинган хаттотлик намуналари кўргазмасини томоша қилиши;
– Ўзбекистон мусулмонлари идораси тасарруфидаги Ҳадис илми мактаби фаолияти билан танишиши;
– Талаба ёшлар учун яратилган шарт-шароитлар, ўқув-услубий жараёнлар билан танишиши;
– Журналист ва блогерларнинг ҳар икки муассаса раҳбарлари ва илмий жамоаси билан очиқ мулоқоти ташкил қилиниши режалаштирилган.
Пресс-тур иштирокчилари 23 декабрь куни соат 09.00да Самарқанд вилояти “Матбуот уйи” олдидан йўлга чиқиши белгиланган. Самарқанддаги журналист ва блогерларни мазкур Пресс-турда иштирок этишга таклиф этамиз.
Мурожаат учун: (66) 240-20-37, (99) 558-05-24 телефон рақамларига қўнғироқ қилишингиз мумкин.
