Imom Buxoriy xalqaro ilmiy-tadqiqot markazi bukhari.uz
Жорий йилнинг 25-27 октябрь кунлари Туркия пойтахти Анқарада Турк дунёси парламентлари жамғармаси томонидан Халқаро Имом Мотуридий семинари ўтказилади.
Туркиянинг собиқ Илм-фан, саноат ва технология вазири Ниҳат Эргун Имом Мотуридийнинг Ислом тамаддунига қўшган ҳиссаси тўғрисида жумладан шундай деди:
“Энг муҳим ҳиссаларидан бири шуки, Мотуридий ўзидан аввалги олимлардан фарқли равишда китобини билим назарияси билан бошлаган. Мазкур семинарда Имом Мотуридий билим назарияси билан бизга қолдирган мерос воситасида мусулмонлар сифатида маълумот манбаларимиз ва уларга асосланган тутумларимизни қайтадан кўриб чиқамиз”.
Шунингдек, Эргун Ўзбекистоннинг янги раҳбарияти Туркия билан алоқаларни ривожлантираётганини таъкидлади:
“Маданият вазирлиги Самарқанд билан Туркия орасидаги муносабатларни кучайтириш орқали Матуридийни англашни қайтадан кўриб чиқиш, янада тўғри англаш ва ҳаётга татбиқ этишда муҳим рол ўйнаши мумкин. Семинар натижасида келиб чиқадиган баъзи фикрлар, албатта, ҳукуматга етказилади. Мутасаддилар улардан фойдаланади”.
Манба:azon.uz
