Imom Buxoriy xalqaro ilmiy-tadqiqot markazi bukhari.uz
Ҳадис илми мактабида давом этаётган махсус ўқув курсининг навбатдаги машғулоти шу мавзуга бағишланди. Имом Бухорий халқаро илмий-тадқиқот маркази илмий ходими Тоҳир Эвадуллаев томонидан олиб борилган дарсда ички истеъмол бозорини ривожлантириш ва маҳаллий маҳсулотлар айланмаси ҳажмини кўпайтиришнинг стратегик аҳамияти очиб берилди.
Машғулот давомида Президент Мурожаатномасида қайд этилган вазифалар сирасида аҳолининг харид қобилиятини ошириш, тадбиркорлик субъектлари учун қулай шароитлар яратиш ва маҳаллий товарларнинг рақобатбардошлигини таъминлаш масалалари илмий таҳлил қилинди. Маърузачи ички талабни жонлантириш нафақат иқтисодий ўсишни жадаллаштиришини, балки янги иш ўринлари яратилиши ва шу орқали аҳоли даромадларининг ошишига бевосита таъсир кўрсатишини ҳаётий мисоллар билан тушунтириб берди.
Курс иштирокчиларининг фикрича, Мурожаатномадаги иқтисодий ташаббусларни бундай таҳлилий тарзда ўрганиш миллий бозор тизимининг ишлаш тамойилларини ҳамда давлат томонидан аҳоли фаровонлигини ошириш йўлида амалга оширилаётган ислоҳотларнинг ижтимоий мазмунини англашга ёрдам бермоқда.
