“Shayx Usmonxon Alimov xalq suygan, samimiy, aziz inson edilar…”

Haq taolo Usmonxon Alimov hazratlarini barcha solih amallarini, dinimizga qilgan xizmatlarini, ilm-maʼrifat, ziyo taratish yoʻlidagi  saʼy-harakatlarini husni qabul aylab, Oʻz magʻfiratiga olsin, chekkan dardlarini barcha sahvu xatolariga kafforat qilib, rahmatiga chulgʻasin, qabrlarini jannat bogʻchalaridan qilib, oxiratlarini obod aylasin!

Shayx Muhammad Avvoma hafizahulloh

~•~•~

Bismillahir rohmanir rohiym

Bizlarga bir musibat yetdi. Birodarimiz Shayx Usmonxon Alimov vafot etdilar. Albatta, bizlar Allohnikimiz va Unga qaytguvchimiz. Alloh taolo u kishini oʻz rahmatiga olsin va jannatlaridan joy ato qilsin. Shayx Usmonxon Alimov xalq suygan, samimiy, aziz inson edilar. Men u kishini 1990-yildan beri taniyman. U kishi Marokashning Fas shahriga kelganlarida birinchi boʻlib men kutib olgan edim. U kishini sakkiz oy uyimda mehmon qilib, arab tilidan saboq berganman. Soʻnggi bor 2007-yil Toshkent shahrida uchrashgan edik.

Alloh taolo u kishini oʻz rahmatiga olsin, ahli oilalariga sabri jamil ato aylasin.

Marokashlik olim, professor Hamid Lahmar

~•~•~

Bismillahir rohmanir rohiym

Alloh taolo muftiy Usmonxon Alimov hazratlarini siddiqlar va solihlar bilan birga aylasin. Ya Rabb.

Albaniyalik professor, imom Romiz Mustafo Zakoiy

~•~•~

Bismillahir rohmanir rohiym.

Alloh taoloning qazosiga iymon keltirgan va uning hukmiga rozi boʻlgan holda…

Butundunyo musulmon jamiyatlari kengashi raisi – muhtaram doktor Aliy Nuaymiy, bosh kotib doktor Muhammad Bashoriy janoblari va kengashning boshqa barcha aʼzolari Oʻzbekiston musulmonlari idorasi raisi, muftiy, fazilatli shayx Usmonxon Alimovning vafoti munosabati bilan chuqur mahzunlik va qaygʻu izhor etadi:

Albatta, bizlar Allohnikimiz va Unga qaytguvchimiz. Alloh taolo u zotning pokiza ruhini oʻzining rahmati bilan oʻrasin va keng jannatlaridan joy ato etsin. Bu dunyodagi maskanlaridan koʻra xayrli maskan, ahllaridan koʻra, xayrli ahl nasib aylasin. Barchalarimizga sabri jamil ato aylasin.

U kishining ahli oilalariga va butun islom olamiga oʻz umrini Oʻzbekiston hamda Oʻrta Osiyo musulmonlari xizmatiga baxshida etgan ulugʻ olimlardan biridan judo boʻlgani munosabati bilan hamdardlik bildiramiz.

Albatta, bizlar Allohnikimiz va Unga qaytguvchimiz.

~•~•~

Bismillahir rohmanir rohiym.

Boqiylik va barhayotlik Allohga xosdir. Alloh taolo ajringizni ulugʻ, musibatingizni yengil qilsin. Marhumni magʻfirat aylab, uni solihlari qatoriga qoʻshsin. Albatta, bizlar Allohnikimiz va Unga qaytguvchimiz. Allohim u kishini magʻfirat et, oʻzing rahm ayla, soʻroqlarini oson qil, qabrlarini munavvar va keng ayla. U zotni musaffo suvlar bilan yuvgin va xato-yu gunohlarini ketkazgin. Va solihlar qatorida qabul qilgin.

Al-Azhar Islom tadqiqotlari akademiyasi direktorid, doktor Nazir Muhammad Ayyad

Hamdardlik maktublar kelishi davom etmoqda