Imom Buxoriy xalqaro ilmiy-tadqiqot markazi bukhari.uz
Oʻzbekiston Respublikasi Prezidentining mamlakatimiz Mustaqilligining 35 yilligi munosabati bilan qabul qilingan Farmoniga muvofiq, yurtimiz taraqqiyoti, xalqimiz maʼnaviy-maʼrifiy hayoti va Yangi Oʻzbekistonning xalqaro nufuzini yuksaltirishga munosib hissa qoʻshib kelayotgan yurtdoshlarimiz yuksak davlat mukofotlari bilan taqdirlanmoqda.
Samarqand viloyatida oʻtkazilayotgan tantanali marosimlarda davlat organlari, nodavlat tashkilotlar, jamoat birlashmalari va diniy soha vakillari oʻzining samarali va fidokorona mehnati uchun yuksak mukofotlarni qabul qilib olmoqda. Xususan, Imom Buxoriy xalqaro ilmiy-tadqiqot markazida oʻtkazilgan tadbirda viloyat hokimining oʻrinbosari Bobur Karimov “Oʻzbekiston Respublikasi Mustaqilligining 35 yilligi” esdalik nishonlarini oʻz egalariga tantanali ravishda topshirdi. Quvonarlisi, erishgan yuksak natijalari va ilmiy-maʼrifiy sohadagi fidokorona xizmatlari eʼtirof etilganlar orasida Imom Buxoriy xalqaro ilmiy-tadqiqot markazining 8 nafar xodimi:
Ushbu mukofot mamlakatimizda boy ilmiy va maʼnaviy merosni tadqiq etish va rivojlantirish, buyuk ajdodlarimizning islom sivilizatsiyasi rivojiga qoʻshgan hissasini keng targʻib qilish, yosh avlodni Vatanga muhabbat va milliy-diniy qadriyatlarga hurmat ruhida tarbiyalash yoʻlidagi fidokorona mehnatga berilgan yuksak bahodir.
“Oʻzbekiston Respublikasi Mustaqilligining 35 yilligi” esdalik nishoni Markaz jamoasining mamlakatimiz maʼnaviy-maʼrifiy hayoti va ilmiy tadqiqotlar jarayonidagi faol ishtirokiga berilgan eʼtirof sifatida alohida ahamiyatga ega. Bu yangi ilmiy marralarni zabt etish, milliy-maʼnaviy merosimizni oʻrganish va ommalashtirish yoʻlidagi ezgu tashabbuslarni izchil davom ettirish uchun katta ilhom va kuch bagʻishlaydi.
Markaz jamoasi davlat mukofotlariga sazovor boʻlgan barcha yurtdoshlarimizni, ular qatorida hamkasblarni muborakbod etib, barchasiga yangi muvaffaqiyatlar tilaydi.
