Imom Buxoriy xalqaro ilmiy-tadqiqot markazi bukhari.uz
Imom Buxoriy, Imom Moturidiy xalqaro ilmiy-tadqiqot markazlari delegatsiyasining Malayziyaga tashrifi davomida Malayziya islom san’ati muzeyida uchrashuv o‘tkazildi. Muzey rahbariyati bilan O‘zbekistonning qadimiy va boy tarixi, ziyorat turizmi imkoniyatlarini targ‘ib qilish masalalari muhokama qilindi.
Ta’kidlash kerakki, Malayziya islom san’ati muzeyi qurilishida o‘zbekistonlik mohir hunarmand-ustalar ishtirok etgan. Bu yerga har yili butun dunyodan o‘rtacha 110 ming sayyoh tashrif buyuradi.
Muzeyda O‘zbekistonga oid maket va eksponatlar saqlanadi. Bibixonim masjidi, Imom Buxoriy majmuasi, Masjidi Kalon va Mir Arab madrasalari maketlari, qadimiy qo‘lyozmalar, tarixiy liboslar shular jumlasidan.
Malayziya islom san’ati muzeyi rahbariyati O‘zbekistonning ilmiy-tadqiqot muassasalari bilan hamkorlik qilishga tayyor ekanini bildirdi.
