Imom Buxoriy xalqaro ilmiy-tadqiqot markazi bukhari.uz
Charlz MELVILL – Kembrij universiteti professori(Angliya)
– Movarounnahrlik allomalar ilmiy merosi – har qancha oʻrgansa arziydigan xazina. Xususan, tarix, adabiyot, islom imlari boʻyicha hali tadqiq qilinmagan asarlar koʻp. Bu yerda yaratilgan qoʻlyozma manbalar nafaqat mintaqaning oʻzi, balki butun musulmon dunyosi maʼrifatini oshirishga xizmat qilgan, desak, yanglishmagan boʻlamiz.
Imom Buxoriy asarlari mohiyatini, hadis ilmi asoslarini keng targʻib qilishda sharhlar toʻplamlarini yaratish eng dastlabki va dolzarb vazifalar sirasiga kiradi. Bu oʻrinda buyuk muhaddis merosini izoh va sharhlar bilan tarjima qilish va tadqiq etish ustida ish olib borayotgan Markazingiz jamoasi mehnati eʼtirofga loyiq. Bu mehnatning har bir mevasi Imom Buxoriy ilmiy merosi boʻyicha qimmatli manba hisoblanadi.
Markazning mavqei faqat bu bilan emas, balki islomning asl mohiyatini ochib berayotgani, zamondoshlarga diniy-maʼrifat nurlarini taratayotgani bilan ham balanddir. Shu nuqtayi nazardan, uning jamoasiga bu kabi xayrli vazifalarni toʻlaligicha ado etishda ulkan zafarlar tilaymiz.
