Imom Buxoriy xalqaro ilmiy-tadqiqot markazi bukhari.uz
Imom Buxoriy xalqaro ilmiy-tadqiqot markazi boʻlim boshligʻi Shukurillo Umarov ayni kunlarda Samarqandda davom etayotgan viloyat hokimligi huzuridagi fuqarolarning oʻzini oʻzi boshqarish organlari xodimlari malakasini oshirish oʻquv kursi tinglovchilari bilan “Mahalla raislarining ijtimoiy-maʼnaviy muhitni barqarorlashtirish, sogʻlom turmush tarzini targʻib etish, diniy bagʻrikenglik va millatlararo totuvlikni taʼminlashdagi oʻrni” mavzusida mashgʻulot oʻtkazdi.
Mazkur mashgʻulotda mahallalarda ijtimoiy-maʼnaviy muhitni yanada sogʻlomlashtirish, diniy bagʻrikenglik va millatlararo totuvlikni taʼminlashda eʼtibor qaratish lozim boʻlgan jihatlar tahlil qilinib, bu yoʻnalishlardagi ishlarni yanada takomillashtirish yuzasidan zarur ilmiy-amaliy tavsiyalar berildi.
Interaktiv uslublar asosida oʻtkazilgan mashgʻulot savol-javoblarga boy boʻldi.
