“Al-Azhar ovozi” oʻzbek olimining maqolasini eʼlon qildi

Imom Moturidiy qalamiga mansub “Taʼvilot al-Qurʼon” asarining Imom Buxoriy xalqaro ilmiy-tadqiqot markazi tomonidan oʻzbek tiliga tarjima qilinishi Misrdagi yirik vaqtli matbuot nashrlaridan biri eʼtiborini tortdi.

Misr Arab Respublikasidagi Al-Azhar universitetining “Al-Azhar ovozi” gazetasi 2021 yil 3 noyabrda Imom Buxoriy xalqaro ilmiy-tadqiqot markazi direktori oʻrinbosari O.Muhammadiyevning “Taʼvilot al-Qurʼon” asari boʻyicha yana bir muhim tadqiqot” nomli maqolasini eʼlon qildi.

“Al-Azhar ovozi” gazetasi islom olamining nufuzli nashrlaridan biri boʻlib, unga Misr Arab Respublikasi bosh imomi, “Al-Azhar” diniy majmuasi rahbari, doktor Shayx Ahmad Muhammad Toyyib homiylik qiladi.

Misrning sobiq bosh imomi, marhum Muhammad Sayyid Tantoviy tomonidan asos solingan gazeta 1999 yilning oktyabr oyidan buyon nashr etib kelinmoqda.