SADAQAning 63 ta FOYDASI

Ustoz ulamoi kiromlarimiz aytadilar:

“Juda oz boʻlsa ham,

kuniga sadaqa qilishni odat qiling!”

Chunki “SADAQA – RADDI BALO”.

• Sadaqa – jannat eshiklaridan biridir.
• Sadaqa – solih amallarning eng afzali.
• Sadaqa Qiyomat kuni oʻz sohibiga soyabon boʻladi.
• Sadaqa qabr issigʻini pasaytiradi.
• Sadaqa – mayyitga qilinadigan eng yaxshi va eng foydali hadyadir. Alloh taolo uni koʻpaytirib beradi.
• Sadaqa nafsni poklaydi.
• Sadaqa Qiyomat kunidagi qoʻrqinchdan omonlik beradi.
• Sadaqa xato va gunohlarga kafforat boʻladi.
• Sadaqa – oʻlim oldi xotimani goʻzal qiladi.
• Sadaqa xursandchilikka sabab boʻladi.
• Sadaqa qiluvchi – odamlarning eng yaxshisidir.
• Sadaqa sohibiga juda ham koʻp va beqiyos buyuk yaxshiliklar va juda ham ulkan savoblar vaʼda qilingan.
• Sadaqa qilish – taqvodorlarning sifatlaridandir.
• Sadaqa – saxovatning belgisidir.
• Sadaqa – duo qabul boʻlishiga sababdir.
• Sadaqa – tashvishning arishiga sababdir.
• Sadaqa baloni qaytaradi.
• Sadaqa umrni uzaytiradi.
• Sadaqa – dardga davo, kasallikka – shifo, eng foydali muolajadir.
• Sadaqa oʻt tushishidan, suvda choʻkishdan, oʻgʻri urishidan
• Sadaqaning savobi – naqd, garchi u hayvon-parrandalarga qilinsa ham.
• Sadaqaning afzali – ochga taom berishdir.
• Sadaqa qiluvchi kishi odamlar mehrini qozonadi.
• Sadaqa – sadaqa qiluvchining mol-davlatini koʻpaytiradi.
• Sadaqa rizq ziyoda boʻlishiga sabab boʻladi.
• Sadaqa – sadaqa qilgan kishini odamlar yaxshi koʻrishlariga sabab boʻladi.
• Sadaqa nusratga sabab boʻladi.
• Sadaqa ishida qatnashganlar savobga sherik boʻladilar.
• Sadaqa – balo va qazolardan himoya qiladi.
• Sadaqa oʻz egasini yomon oʻlimdan asraydi.
• Sadaqa bergan bilan mol-dunyo kamayib qolmaydi.
• Sadaqa beradigan odamning moliga farishtalar baraka tilab duo qiladilar.
• Sadaqa Parvardigorning gʻazabini oʻchiradi.
• Sadaqa – sadaqa beruvchining shaytonlar ustidan gʻalabasidir.
• Sadaqa Qiyomat kunida bu dunyoda boy berilgan narsalarga afsus qildirmaydi.
• Sadaqa – gʻam-anduhdan xoli etguvchidir.
• Sadaqa Qiyomat kuni toʻsiq boʻlib, himoya qilib, sadaqa qiluvchini doʻzaxdan toʻsadi.
• Sadaqa qalbning qattiqligini yumshatadi.
• Sadaqa – Qiyomat kunida sadaqa qilganning yuzining jilosidir.
• Sadaqa qilingan mayyitga ham, sadaqa qilgan odamga ham Alloh taolo savoblarini koʻpaytirib beradi.
• Sadaqa – yomonliklarni daf etish uchun sababdir.
• Sadaqa farishtalarning duosiga sabab boʻladi.
• Sadaqa savoblarni koʻpaytiradi.
• Sadaqa – qaygʻudan asraguvchidir.
• Sadaqa – qabr olovini soʻndirguvchidir.
• Sadaqa – hasanotlarni oʻn hissaga koʻpaytirguvchidir.
• Sadaqa bu dunyodagi 70 xil yomonlik eshiklarini yopadi.
• Sadaqa – sohibini qabr azobi va olovdan ozod etguvchidir.
• Sadaqa – sadaqa beruvchining quvonchiga sababchidir.
• Suv hoʻl-quruqni kuydirib borayotgan olovni oʻchirgani kabi, insonning ikki dunyosini kuydirib borayotgan xato va gunohlarini sadaqa oʻchiradi.
• Sadaqa vafotingizdan keyin ham ajr-savobingizni koʻpaytirib turadi.
• Sadaqa qiluvchi Alloh taologa yaqin boʻlib, Oʻzining mehriga sazovor boʻladi.
• Uzr sababli tutolmay qolgan farz qilingan roʻzani ham sadaqa bilan kaforat etiladi.
• Sadaqa Ramazon oyida tutilgan roʻzani mukammal qilib beradi.
• Sadaqa qilayotganingizda mablagʻlaringizni yoʻqotayotgan boʻlmaysiz, balki uni boshqa payt uchun oʻzingizga joʻnatayotgan boʻlasiz.
• Sadaqa – saxiy va himmatli ishlardan va ezgu alomatlardan biridir.
• Sadaqa – duoning ijobat boʻlishiga sababchidir.
• Sadaqa qiluvchilarni Oʻzining goʻzal mukofotlari ila siylaydi.
• Sadaqa – Qiyomat kunida sadaqa qilganning yuzini yorugʻ qiladi.
• Sadaqa – sadaqa beruvchidan va uning yaqinlaridan baloni daf qiladi.
• Sadaqa – sadaqa beruvchining obroʻ va hurmatini saqlaydi.
• Sadaqa beradigan xonadonga Xudoi taoloning rahmati yogʻiladi.
• Sadaqa beradigan odamga fayzu ilohiy, xayr-baraka beriladi.

(Kalomulloh – Qurʼoni Karimning oyati karimalari va Janobi Paygʻambarimiz Rasululloh sallallohu alayhi vasallamning muborak hadisi shariflaridan).

Ibrohimjon domla Inomov
Manba: muslim.uz