Imom Buxoriy xalqaro ilmiy-tadqiqot markazi bukhari.uz
Imom Buxoriy xalqaro ilmiy-tadqiqot markazi, Oʻzbekiston xalqaro islom akademiyasi, Imom Moturidiy xalqaro ilmiy-tadqiqot markazi va Hadis ilmi maktabi rahbar va xodimlaridan iborat delegatsiya Kuala-Lumpulga safari davomida Malayziya xalqaro islom universitetida boʻldi.
Delegatsiya aʼzolari universitet faoliyati, jumladan, taʼlim tizimi bilan yaqindan tanishdi.
Talabalar bilan muloqot chogʻida yigʻilganlarga Yangi Oʻzbekistonda diniy-maʼrifiy sohada amalga oshirilayotgan islohotlar, oliy va oʻrta maxsus diniy taʼlim muassasalarining faoliyati, xususan, buyuk allomalarimiz asarlarining tarjima va nashrlari haqida batafsil maʼlumot berildi. Professor-oʻqituvchi va talabalar Imom Buxoriy va Imom Moturidiy xalqaro ilmiy-tadqiqot markazlari tomonidan chop etilgan kitoblarga katta qiziqish bildirdi.
Tomonlar Oʻzbekiston xalqaro ilmiy-tadqiqot markazlari bilan Malayziya xalqaro islom universiteti oʻrtasida oʻzaro hamkorlikni yoʻlga qoʻyishga kelishib oldi.
