Imom Buxoriy xalqaro ilmiy-tadqiqot markazi bukhari.uz
Joriy yil 20 iyul kuni Imom Buxoriy tavalludining 1250 yilligi munosabati bilan Imom Buxoriy xalqaro ilmiy-tadqiqot markazi, Joʻybori Kalon madrasasi, Hadis ilmi maktabi hamda Panjob (Pokiston) va Inonu (Turkiya) va Utara (Malayziya) universitetlari hamkorligida “Imom Buxoriy – buyuk muhaddis” mavzusida xalqaro ilmiy seminar oʻtkaziladi.
Seminar oflayn va onlayn tarzda tashkil etiladi. Unda Imom Buxoriy merosini oʻrganishda xalqaro hamkorlik masalalari, buyuk muhaddisning yetuk mufassir va mujtahid sifatida islom ilmlari rivojiga qoʻshgan hissasi, fiqhiy qarashlari, “Sahihul Buxoriy” asaridagi hadislar tahlili, sunnatni inkor qiluvchilarning asarga nisbatan eʼtirozlariga raddiyalarga oid oʻnga yaqin ilmiy maʼruza tinglanadi.
Seminar doirasida allomaning Imom Buxoriy xalqaro ilmiy-tadqiqot markazi tomonidan tarjima va nashr qilingan asarlari taqdimoti ham oʻtkaziladi.
Tadbir Imom Buxoriy xalqaro ilmiy-tadqiqot markazi konferensiyalar zalida Toshkent vaqti bilan soat 10.00 da boshlanadi.
ZOOM videokonferensiya dasturi boʻyicha ulanish manzili:
https://us02web.zoom.us/j/5258436902?pwd=bGJEODVUWTRJVnpIUG9Jeit1UHhpZz09
Seminar identifikatori: 525 843 6902
Parol: 12345
