Imom Buxoriy xalqaro ilmiy-tadqiqot markazi bukhari.uz
1253. Molik ibn Huvayrisdan rivoyat qilinadi:
“Qavmimdan bir jamoa bilan Rasululloh sollallohu alayhi vasallam huzurlariga keldik. Biz yosh yigitlar edik. U zot huzurlarida yigirma kun turdik. Rasululloh sollallohu alayhi vasallam juda mehribon edilar. U zot ahlimizga sogʻinchimizni koʻrib: “Ahli oilangiz oldiga qaytib, ular bilan birga boʻling. Ularga (imonni) buyuring va (dinni) oʻrgating. Mening namoz oʻqiganimni koʻrganingiz kabi namoz oʻqing. Namoz vaqti kirganda, orangizdan biringiz siz uchun azon aytsin, soʻng yoshi ulugʻingiz sizga imom boʻlsin”, dedilar”.
Imom Dorimiyning “Sunani Dorimiy” kitobidan.
