“MARKAZ MUVAFFAQIYATLARI OSHIB BORAVERADI!”

Muhammad SHAHIN – Tyubingen universiteti professori(Germaniya):

– Markazingiz, ayniqsa muzey Imom Buxoriy hayot yoʻli va ilmiy faoliyatini oʻzida ifodalagan nurli maskan sifatida qalbimni munavvar qildi. U yerga kirgan har qanday kishining koʻngli yorishadi. Men ham toʻlqinlandim, koʻksimda yoqimli hayajon uygʻondi.

Muassasangiz fayzi uning Imom Buxoriy maqbarasi yonida joylashganida deb bilaman. Bu yerdagi muhit inson qalbiga ilm ruhiyatini indiradi, ajdodlar maʼnaviyatini ulashadi. Jamoangiz muvaffaqiyatlarining asosiy omili ham shunda. Oʻylaymanki, bu yutuqlar bardavom boʻlib, vaqt oʻtishi bilan kengroq miqyos kasb etib boraveradi!