Imom Buxoriy xalqaro ilmiy-tadqiqot markazi bukhari.uz
Muhammad ibn Abu Hotim Varroq aytganlar: “Men Sulaym ibn Mujohiddan eshitdim. U kishi Abul Azharning: “Samarqandda hadis talabida yurgan toʻrt yuz nafar olim bor edi. Ular Buxoriyni chalkashtirish maqsadida yetti kun bir joyga toʻplanib, shomliklar sanadini iroqliklar sanadiga, yamanliklar sanadini haramaynliklar sanadiga kiritdilar. Imom Buxoriy hammasini eshitib, biror sanadning joyini oʻzgartirmasdan, tushirmasdan, matn bilan sanadni terib chiqqach, barchalari lol boʻlib qolishdi”, – deganlarini eshitganlar”.
Muhammad ibn Abu Hotim aytganlar: “Imom Buxoriyning: “Kecha uxlamasdan kitoblarimga kiritgan hadislarni sanab chiqdim. Ikki yuz mingdan ziyod hadisni sanadi bilan yozgan ekanman. Hech qachon hadisni “Faloncha falonchadan aytib berdi” qabilida mavhum qilib yozmadim. Bundan saqlanardim. “Al-Iʼtisom” kitobimni bir kechada yozganman”, – deganlarini eshitdim”.
