Imom Buxoriy xalqaro ilmiy-tadqiqot markazi bukhari.uz
Doktor Rizo Muhammad Daqiqiy – Al-Azhar universiteti Din asoslari fakulteti professori (Misr):
Abd ibn Humayd Keshiy islom dini Movarounnahrga kirib kelgach bu diyorda oʻsib ulgʻaygan dastlabki olimlardan biridir. Hadis, tafsir, arab tili grammatikasi va hanafiy fiqhi boʻyicha koʻplab kitoblar muallifi boʻlgan alloma bu fanlar rivojiga ulkan hissa qoʻshgan. U hadis sohasida “Musnad” uslubida asar yozgan dastlabki allomalardan biridir. Kesh shahrining ilm-fan va adabiyot markazi sifatida mashhur boʻlishiga ham ulkan hissa qoʻshgan.
Buning Oʻzbekiston fuqarolariga taʼsiri haqida shuni bilamanki, buyuk olim Abd ibn Humayd Keshiyning maʼnaviy merosini tiklash va zamondosh avlodlar orasida targʻib qilish faqat buyuk tarixga koʻzgu tutmaydi. Aksincha, zamonga mos qad rostlashini talab qiladigan maʼnaviy kuchga toʻla ushbu kitob kelajak yoʻllarini ham yoritadi.
Bugungi kunda jamiyatlar insoniy qadriyatlar va fazilatlarni yoyish, terrorizm va ekstremizmni yoʻq qilish, qabih soʻzlar va mutaassiblikdan qutulishga juda muhtoj. Abd ibn Humaydning “Musnadi” jamiyat maʼnaviy ehtiyojini qondirishga xizmat qiladi.
Asarning oʻzbek tiliga tarjima qilinishi xalqingiz uchun ilgari Imom Buxoriy xalqaro ilmiy-tadqiqot markazi tomonidan taqdim etilgan “Sahihul Buxoriy”, “Sunani Termiziy” va “Sunani Dorimiy”ning tarjimasidan kam boʻlmagan ahamiyat kasb etadi.
Oʻzbek oʻquvchilari bu kitobni oʻtmish poydevorini mustahkamlab, kelajak robitasini barpo etish istagi bilan qarshi oladi, deb oʻylayman. Tarixini bilmagan xalqning kelajagi boʻlmaydi.
Markaz tadqiqotchilariga ulkan ilmiy zafar va muvaffaqiyatlar tilab qolaman.
