IMOM DORIMIY

515. Hasson ibn Atiyyadan rivoyat qilinadi: “Rasululloh sollallohu alayhi vasallam: “Men Qiyomat kuni ajr (savob) jihatidan eng ulugʻingizman. Chunki, menda oʻz ajrimga qoʻshib, menga ergashganlar ajrining barobaricha ajr bor”, dedilar”. Imom Dorimiyning “Sunani Dorimiy” kitobidan.

537. Abu Barza Aslamiydan rivoyat qilinadi: “Rasululloh sollallohu alayhi vasallam: “Qiyomat kuni banda toʻrt narsadan soʻralmaguncha, oyogʻi joyidan qimirlamaydi: umrini nimaga sarflagani, ilmiga qanday amal qilgani, molini qayerdan topib, qayerga sarflagani, tanasi bilan qanday ishlarni qilgani”, dedilar”. Imom Dorimiyning “Sunani Dorimiy” kitobidan.

542. Abdulloh ibn Amr aytdi: “Men Rasululloh sollallohu alayhi vasallamning: “Mendan bir oyat boʻlsa ham yetkazing va Bani Isroil haqida gapiring. (Bunda) tanglik yoʻq. Kim mening nomimdan qasddan yolgʻon gapirsa, boradigan joyini doʻzaxdan hozirlayversin”, deyayotganlarini eshitdim”. Imom Dorimiyning “Sunani Dorimiy” kitobidan.

543. Abu Zarrdan rivoyat qilinadi: “Rasululloh sollallohu alayhi vasallam bizni uch narsada: yaxshilikka buyurish, yomonlikdan qaytarish va insonlarga sunnatni oʻrgatishda yengilib qolmaslikni buyurdilar”. Imom Dorimiyning “Sunani Dorimiy” kitobidan.

556. Abu Hurayradan rivoyat qilinadi: “Rasululloh sollallohu alayhi vasallam: “Foydalanilmaydigan ilm Alloh yoʻlida infoq qilinmaydigan boylikka oʻxshaydi”, dedilar”. Imom Dorimiyning “Sunani Dorimiy” kitobidan.

559. Abu Hurayradan rivoyat qilinadi: “Nabiy sollallohu alayhi vasallam: “Inson vafot etsa, uning amali toʻxtaydi, lekin uch narsadan: foydalaniladigan ilm, sadaqai joriya yoki uning haqqiga duo qiladigan solih farzanddan davom etadi”, dedilar”. Imom Dorimiyning “Sunani Dorimiy” kitobidan.

565. Abdulloh ibn Abdurahmon Qushayriydan rivoyat qilinadi: “Paygʻambar Dovud alayhissalom: “Ilm sohibiga temirdan boʻlgan aso va temirdan boʻlgan oyoq kiyim olishni va asosi sinib, oyoq kiyimi teshilguncha ilm talab qilishni ayt”, deganlar”. Imom Dorimiyning “Sunani Dorimiy” kitobidan.

591. Ibn Masʼuddan rivoyat qilinadi: “U: “Sizga Rasululloh sollallohu alayhi vasallamdan biror hadis aytilsa, shu hadisni ergashishga eng munosib, toʻgʻri yoʻlga hidoyat qiluvchirogʻi va taqvo qilishda eng loyiqrogʻi, deb ishoning”, dedi”. Imom Dorimiyning “Sunani Dorimiy” kitobidan.

624. Aʼmashdan rivoyat qilinadi: “Rasululloh sollallohu alayhi vasallam: “Ilmning ofati unutishdir, uni zoye qilish esa ahlidan boshqasiga aytishingdir”, dedilar”. Imom Dorimiyning “Sunani Dorimiy” kitobidan.

629. Avn ibn Abdullohdan rivoyat qilinadi: “U: “Men Nabiy sollallohu alayhi vasallamning sahobalari ixtilof qilmasligini yoqtirmayman. Chunki ular biror narsaga ittifoq qilsa, uni tark qilgan kishi sunnatni tark qilgan boʻladi. Agar ular ixtilof qilsa, biror kishi ulardan qaysi birining soʻzini olsa ham sunnatni olgan boʻladi”, dedi”. Imom Dorimiyning “Sunani Dorimiy” …