IMOM DORIMIY

680. Oisha soʻzlab berdi: “Nabiy sollallohu alayhi vasallam hojatxonadan chiqsalar: “Gʻufronaka (Magʻfiratingni soʻrayman)”, deb aytar edilar”. Imom Dorimiyning “Sunani Dorimiy” kitobidan.

Tas-ix: 

683. Abu Hurayradan rivoyat qilinadi: “Nabiy sollallohu alayhi vasallam: “Agar ummatimga mashaqqat boʻlmaganida, har bir namoz oldidan uni (ishlatishni) buyurardim”, dedilar”. Abu Muhammad: “Yaʼni, misvokni”, dedi. Imom Dorimiyning “Sunani Dorimiy” kitobidan.

684. Oishadan rivoyat qilinadi: “Rasululloh sollallohu alayhi vasallam: “Misvok – ogʻizni poklaydigan va Rabbni rozi qiladigan narsadir”, dedilar”. Imom Dorimiyning “Sunani Dorimiy” kitobidan.

686. Abul Malih otasi (Usoma)dan rivoyat qiladi: “Nabiy sollallohu alayhi vasallam: “Alloh taolo tahoratsiz namozni va xiyonat (bilan topilgan boylik) dan qilingan sadaqani qabul qilmaydi”, dedilar”. Imom Dorimiyning “Sunani Dorimiy” kitobidan

687. Alidan rivoyat qilinadi: “Rasululloh sollallohu alayhi vasallam:“Namozning kaliti tahoratdir. Uning tahrimasi (namozga kirish) takbir aytish, tahlili (namozdan chiqish) esa salom berishdir”, dedilar”. Imom Dorimiyning “Sunani Dorimiy” kitobidan

691. Abu Said Xudriydan rivoyat qilinadi: “Nabiy sollallohu alayhi vasallam: “Tahoratda Allohning ismini aytmagan kishining tahorati mukammal emas”, dedilar”. Imom Dorimiyning “Sunani Dorimiy” kitobidan

706. Abdulloh ibn Amrdan rivoyat qilinadi: “Rasululloh sollallohu alayhi vasallam:“(Tahoratda) yuvilmay qolgan tovonlarga doʻzax olovidan azob boʻlsin. Tahoratni mukammal qiling!” dedilar. Imom Dorimiyning “Sunani Dorimiy” kitobidan

Tas-ix: