{"id":52901,"date":"2026-09-28T16:09:23","date_gmt":"2026-09-28T11:09:23","guid":{"rendered":"https:\/\/bukhari.uz\/?p=52901"},"modified":"2026-09-28T16:09:23","modified_gmt":"2026-09-28T11:09:23","slug":"imom-buxoriy-innovatsion-muzeyi","status":"publish","type":"post","link":"https:\/\/bukhari.uz\/?p=52901&lang=oz","title":{"rendered":"IMOM BUXORIY INNOVATSION MUZEYI"},"content":{"rendered":"

Jahon ilmiy jamoatchiligi nafaqat islom, balki jahon sivilizatsiyasi rivojiga katta hissa qo\u02bbshgan, diniy va dunyoviy fanlarni birdek o\u02bbrganib, ularni jamiyat hayotiga tatbiq eta olgan Movarounnahr olimlarining ma\u02bcnaviy-ma\u02bcrifiy merosini o\u02bbrganishga katta qiziqish bildirmoqda. Bu borada islom ta\u02bclimoti asoslaridan hisoblangan hadislarni jamlab, ular orasidan ishonchlilarini ajratib bergan Imom Buxoriy, Imom Termiziy va Imom Dorimiy kabi muhaddis ajdodlarimiz hayoti hamda asarlarini tadqiq muhim ahamiyatga ega.<\/span><\/p>\n

Mamlakatimizda qadimiy va boy tariximizni tiklash va yurtimizdan yetishib chiqqan buyuk allomalar ilmiy-ma\u02bcnaviy merosini o\u02bbrganish va targ\u02bbib etish, yosh avlodni milliy an\u02bcanalar ruhida tarbiyalash bo\u02bbyicha ulkan ishlar amalga oshirilmoqda. Ulug\u02bblarga ehtirom ko\u02bbrsatish, ulardan har jihatdan saboq olishga qaratilgan oqilona siyosat olib borilmoqda. O\u02bbzbekiston Respublikasi Prezidenti Shavkat Mirziyoyev ta\u02bckidlaganidek: \u201cBu sohada qilayotgan ishlarimizdan maqsad \u2013 islomga e\u02bctiqodimizni, alloma bobolarimizga hurmatimizni ilm bilan bildirish. Ajdodlarimizga munosib bo\u02bblish biz uchun juda katta burch\u201ddir<\/strong>.<\/span><\/p>\n

Imom Buxoriy kabi islom olamida yuksak e\u02bctirofga sazovor bo\u02bblgan allomalar hayot yo\u02bbli va ilmiy faoliyatini chuqur tadqiq etish hamda asarlarini keng jamoatchilikka targ\u02bbib qilish muhim masalalardan sanaladi. Shu maqsaddan kelib chiqib, Imom Buxoriy majmuasida alloma hayoti va ilmiy faoliyatini yorituvchi muzey tashkil qilindi.<\/span><\/p>\n

Imom Buxoriy innovatsion muzeyi bevosita O\u02bbzbekiston Respublikasi Prezidenti Shavkat Mirziyoyevning 2022-yil 17-18-avgust kunlari Saudiya Arabistoniga amalga oshirgan davlat tashrifi davomida Muhammad alayhissalomning siyratlari va islom sivilizatsiyasi muzeyi bilan yaqindan tanishib qaytgandan so\u02bbng, 2022-yil 24-avgust kuni Imom Buxoriy majmuasi qurilishiga tashrifi davomida berilgan ko\u02bbrsatmalari asosida barpo etildi. Imom Buxoriy muzeyini ochish masalasi bugungi kunda har qachongidan ko\u02bbra dolzarbdir.<\/span><\/p>\n

Buni quyidagi omillarda ko\u02bbrish mumkin:<\/span><\/p>\n

Birinchidan, xalqimiz asrlar davomida islom olamida Qur\u02bconi karimdan keyingi asosiy manba hisoblangan \u201cSahihul Buxoriy\u201d asaridan mosuvo bo\u02bblib keldi. Holbuki, xorijda Imom Buxoriyning mazkur asari allaqachon ko\u02bbplab tillarga tarjima qilingan, sharhlari bilan nashr qilingan edi. Xalqimiz esa, hatto eng ishonchli hadislarning bunday to\u02bbplami mavjud ekanidan, islom ilm-fani tarixida eng katta iz qoldirgan Imom Buxoriy ismli buyuk shaxs o\u02bbtganidan ham bexabar edi. Vaholanki, allomaning ahamiyat jihatidan bundan kam bo\u02bblmagan boshqa asarlari ham bor va ulardan butun musulmon dunyosi xabardor. Biz o\u02bbz buyuk muhaddis bobomizni xorijliklar taniganchalik tanimas edik va afsuski hozirgi kunda ham bunday holat ko\u02bbp hollarda davom etmoqda.<\/span><\/p>\n

Ikkinchidan, biz Imom Buxoriy va uning ilmiy merosini o\u02bbrganganimiz sayin allomaning hayot yo\u02bblini o\u02bbrganish bugungi kundagi eng muhim vazifalarda biri ekanini teran anglamoqdamiz. Allomaning ilm yo\u02bblidagi jasorati, chekkan mashaqqati, quvvai hofizasi qanchalar benazir bo\u02bblganini o\u02bbrganish yoshlarni yangi ilmiy tadqiqotlar sari yetaklaydi.<\/span><\/p>\n

Imom Buxoriy majmuasi faqat bino va inshootlardan iborat maskan bo\u02bblib qolmasdan, insonlar qalbini zabt etadigan, ayniqsa, yoshlarning hayotda adashmasdan, to\u02bbg\u02bbri yo\u02bblni topishiga xizmat qiluvchi ilmiy dargoh, shuningdek, alloma hayoti va faoliyatini aks ettiruvchi elektron muzeyga aylanmoqda. Muzeyda islom dini va xususan, hadis ilmi taraqqiyoti, alloma hayoti, faoliyati va ilmiy merosining zamonaviy axborot texnologiyalari orqali namoyish etilishi yo\u02bblga qo\u02bbyilgan.<\/span><\/p>\n

\u201cImom Buxoriy innovatsion muzeyi\u201d jami 9 ta pavilyondan tashkil topgan. Innovatsion muzey pavilyonlarida namoyish etiladigan barcha media mahsulotlar, interaktiv o\u02bbyinlar, animatsiyalar, mepping va boshqalar bevosita \u201cOutdoor Factory\u201d kompaniyasining yuqori malakali mutaxassislari hamda ilmiy-ijodiy guruh a\u02bczolari bilan hamkorlikda tayyorlandi.<\/span><\/p>\n

1-pavilyon <\/strong>\u201cMuhammad alayhissalom va nubuvvat tarixi\u201d <\/strong>deb nomlanib, u bir nechta tematik bo\u02bblimlardan iborat:<\/span><\/p>\n

Qur\u02bconi karimda ismlari zikr qilingan payg\u02bbambarlar haqida ma\u02bclumot.\u00a0 (Ekspozitsiya tushuntirish matni va interaktiv infokiosk ko\u02bbrinishida).<\/em> Matnda barcha payg\u02bbambarlarni birlashtirib turuvchi umumiy xislatlar va fazilatlar, ularning vazifalari Qur\u02bconi karim va hadisi sharifda kelgan ma\u02bclumotlar asosida yoritib berilgan. Har bir ism ustiga bosilganda, tanlangan payg\u02bbambar haqida qisqacha ma\u02bclumot, matn so\u02bbnggida esa Muhammad alayhissalom payg\u02bbambarlarning eng oxirgisi ekani haqida ma\u02bclumot beriladi. Muhammad alayhissalomning ismlari, sifatlari va ularning ma\u02bcnolari ekspozitsiya kalligrafik freska uslubida yasalgan.<\/em><\/span><\/p>\n

Muhammad alayhissalomning shajaralari ekspozitsiyadan o\u02bbrin olgan yirik hajmdagi daraxat shaklidagi interaktiv infokiosk yordamida namoyish etilgan. Unda interaktiv usulda tomoshabinga shajaradan o\u02bbrin olgan har bir ism haqida to\u02bbliqroq ma\u02bclumot olish imkoni beriladi.<\/span><\/p>\n

Muhammad alayhissalomning dunyoga kelishlari va nubuvvatning boshlanishi (ekspozitsiya shahar maketi va proyeksion videofilm ko\u02bbrinishida)<\/em>, Hujrai saodatning qayta tiklangan ko\u02bbrinishi proyeksion videofilm ko\u02bbrinishida aks ettirilgan.<\/span><\/p>\n

Hiro g\u02bborida ilk vahiy nozil bo\u02bblishi (Maketda hiro g\u02bbori va uning atrofi). <\/em>Uning ichidagi monitorda Qur\u02bconi karimning \u201cIqro\u201d surasi oyatlari o\u02bbqilib turadi.<\/span><\/p>\n

2-pavilyon <\/strong>\u201cHadis ilmining paydo bo\u02bblishi va rivojlanishi\u201d <\/strong>deb nomlanib, unda tomoshabinlarga eksponatlar, infografik, audio va vizual materiallar orqali hadis ilmining paydo bo\u02bblishi hamda rivojlanishi tarixi bilan tanishish imkoniyati taqdim etiladi. Ziyoratchilarda hadis ilmi <\/span>
\nva uning rivojlanishi tarixi haqida to\u02bbliq tasavvur shakllanishiga erishish maqsadida interaktiv xizmatlardan keng foydalanilgan. Bu esa, hadis ilmiga oid tarixiy ma\u02bclumotlarni zamonaviy texnologiyalar bilan uyg\u02bbun ravishda tasavvur qilish ko\u02bbnikmasini shakllantiradi.<\/span><\/p>\n

Tushuntirish matni yordamida o\u02bbz davrida sahobalarning hadis eshitish, savol berish va ularni yodlab qolish uchun o\u02bbzaro musobaqalashgani yoki navbat tutgani haqida, infografik pannoda esa Muhammad alayhissalomdan eng ko\u02bbp hadis rivoyat qilgan sahobalar ro\u02bbyxati berilgan. Ular orasida Oisha roziyallohu anho kabi ayollarning mavjudligi islom olamida ilmiy maktablar rivojida ayollarning o\u02bbrni muhim ekanini bildiradi.<\/span><\/p>\n

Pavilyonning uchinchi qismida Xaritada ilk o\u02bbrta asrlardagi Movarounnahr va Xuroson shaharlarining qadimgi nomlari hamda tarixiy madaniy markazlar va viloyatlar ajratib ko\u02bbrsatilgan. Shaharlar o\u02bbrtasidagi karvon yo\u02bbllari va ular o\u02bbrtasidagi masofalar sayohatlar mashaqqati haqida tasavvur shakllantirish maqsadida kun o\u02bblchamlarida berilgan.<\/span><\/p>\n

Ekspozitsiya zalining atrofida yoki xaritadagi ma\u02bclum shaharlar ustida markaziy osiyolik muhaddis ulamolar, jumladan, Abu Humayd Keshiy, Abdulloh ibn Muborak, Imom Dorimiy,\u00a0 Imom Termiziy, Imom Muslim, Imom Buxoriy kabi olimlarning tarjimayi holi va ilmiy merosi haqida ma\u02bclumotlar va vitrinalarda esa muhaddislar asralaridan namunalar taqdim etilgan.<\/span><\/p>\n

Ishonchli hadis to\u02bbplamlari haqida ma\u02bclumot: <\/em><\/strong>Galereyada \u201cSihohi tis\u02bca\u201d \u2013 to\u02bbqqizta eng ishonchli hadis to\u02bbplami va uning mualliflari haqida ma\u02bclumot beruvchi lavha joylashtirilgan. Unda hadis to\u02bbplami nomi, hadislar soni, muallifining hayot yillari aks ettirilgan. Vitrinalarda muhaddislar asarlarining qo\u02bblyozma nusxalaridan namunalar qo\u02bbyilgan.<\/span><\/p>\n

3-pavilyon <\/strong>\u201cImom Buxoriyning hayoti va ilmiy faoliyati\u201d<\/strong> deb nomlangan bo\u02bblib, ushbu qismni tashkil etishdan ko\u02bbzlangan asosiy maqsad muzeyga tashrif buyuruvchilar ko\u02bbz o\u02bbngida alloma hayoti va ilmiy faoliyatini qayta tiklash, ilmiy merosi naqadar buyuk ahamiyatga ega ekanini ko\u02bbrsatib berish hamda yoshlarda ilm-fan bilan shug\u02bbullanishga mehr-muhabbat va rag\u02bbbat paydo qilishdir. Imom Buxoriyning hayoti va ilmiy faoliyatining rivojlanishini uch qismga bo\u02bblish mumkin.<\/span><\/p>\n

Imom Buxoriyning ilm ostonasiga qadam bosishida u yashagan xonadondagi ma\u02bcnaviy-ma\u02bcrifiy muhit alohida ahamiyatga ega. Ekspozitsiyaning birinchi qismida Imom Buxoriyning oilaviy muhiti gavdalantirilgan. Unda Imom Buxoriyning ota-onasi hamda allomaning bolaligi haqidagi ma\u02bclumotlar berilgan.<\/span><\/p>\n

Keyingi qismda Imom Buxoriyning Buxoroda o\u02bbtgan maktab yillari haqida so\u02bbz boradi. U yoshligidan aql-idrokli, o\u02bbtkir zehnli va ma\u02bcrifatga havasi kuchli bo\u02bblib, turli fanlarni, ayniqsa, hadis ilmini zo\u02bbr qiziqish bilan egallaydi.<\/span><\/p>\n

\u00a0Uchinchi qismda 16 yoshga yetganida Imom Buxoriy akasi Ahmad va onasi bilan birga haj ibodatini ado etish uchun Buxorodan Makka sari yo\u02bbl olgani aks ettirilgan. Shuningdek, interaktiv xarita orqali Buxoriyning ilm yo\u02bblida safar qilgan shaharlari ko\u02bbrsatilgan.<\/span><\/p>\n

Alloma muqaddas shaharlar Makka va Madinani ziyorat qilib, olti yil Hijozda yashab, hadis bo\u02bbyicha o\u02bbz bilimini yanada oshirish maqsadida o\u02bbsha paytda ilm-fanning yirik markazlaridan hisoblangan Damashq, Qohira, Basra, Kufa, Bag\u02bbdod kabi shaharlarda yashaydi. U joylardagi mashhur olimlardan hadis bilan bir qatorda fiqh ilmidan ham ta\u02bclim oladi, yirik olimlar bilan birga ilmiy bahs-munozaralarda qatnashadi va tolibi ilmlarga dars ham beradi.<\/span><\/p>\n

4-pavilyon \u201cImom Buxoriy: buyuk fenomen\u201d<\/strong> deb nomlangan bo\u02bblib, unda Imom Buxoriy hayoti va faoliyati haqidagi 11 daqiqalik film katta ekranda namoyish etiladi.<\/span><\/p>\n

5-pavilyon \u201cImom Buxoriy fazilatlari\u201d <\/strong>deb nomlangan bo\u02bblib, unda Imom Buxoriyning buyuk ilmiy salohiyati, eng ishonchli hadislarni saralash va avlodlarga qoldirish uchun chekkan ilmiy zahmati, taqvosi, islom olamida Qur\u02bcondan keyingi o\u02bbrinda turuvchi asar muallifi ekani, butun dunyo e\u02bctirof etgan, yoshligidan zehni o\u02bbtkir va xotirasi kuchli bo\u02bblgani, ota-onasi va ustoz-shogirdlariga bo\u02bblgan samimiy munosabati kabi jihatlari ko\u02bbrsatib berilgan. Ushbu qismda allomaning ilm yo\u02bblidagi mashaqqati va uni yengib o\u02bbtishdagi jasorati haqidagi ma\u02bclumotlar berilgan bo\u02bblib, bu, o\u02bbz navbatida, yoshlar qalbida o\u02bbz ajdodlaridan faxrlanish tuyg\u02bbusini kuchaytiradi (Immersiv proyeksion videofilm).<\/em><\/span><\/p>\n

Pavilyonning butun hududi bo\u02bbylab proyeksiya orqali mavzuni yoritadigan videolar uzluksiz ko\u02bbrsatib turiladi. Videofilmlar mavzularga bo\u02bblingan holda ketma-ket ko\u02bbrinishda davom etib, pavilyonga istalgan vaqtda kelgan tomoshabinga mavzuga tezda kirib olish imkoniyatini beradi.<\/span><\/p>\n

Buyuk imtihon haqida. <\/em><\/strong>Mazkur qismda allomaning ilm talabidagi safarlari, sinovlar girdobi \u2013 Bag\u02bbdod, Samarqand va Nishopurdagi imtihon, \u2013 ilm yo\u02bblidagi mashaqqatlarni sabr-matonat bilan yengib o\u02bbtishi, kundan kunga yuksalishi, darajasi ortib borishi va atrofida ixlosmand shogirdlarining ko\u02bbpayishi maketlar orqali ko\u02bbrsatilgan.<\/span><\/p>\n

Imom Buxoriyning betakror xotira egasi bo\u02bblgani haqida film. <\/em><\/strong>Ushbu filmda Imom Buxoriyning xotirasi favqulodda kuchli bo\u02bblgani, eshitgan hadislarini darhol xotirasida saqlagani haqida ma\u02bclumot beriladi. Ma\u02bclumotlarga ko\u02bbra, Imom Buxoriy 600 mingdan oshiq hadisni roviylari va ularning tarixi bilan birga to\u02bbliq yoddan bilgan. Ushbu ma\u02bclumot animatsion tarzda ekranda namoyish etiladi va allomaning xotirasi bugungi kundagi tushunchamizda qanday ekani ko\u02bbrsatib beriladi.<\/span><\/p>\n

Masalan, agar Imom Buxoriyning \u201cSahihul Buxoriy\u201d kitobida 7275 ta hadis to\u02bbplangan bo\u02bblsa, buni shartli ravishda 4 ta kitob, deb olamiz. Demak, 4 ta kitobga 7275 ta hadis kirgan bo\u02bblsa, 600 ming hadis taxminan 330 ta kitob bo\u02bbladi. Ekranda kitob javoniga yuzlanib turgan odam qiyofasi aks ettirilgan.<\/span><\/p>\n

Kitob javoni esa bo\u02bbm-bo\u02bbsh bo\u02bbladi. Raqamlar aytilayotgan vaqtda javon tokchalari birma-bir kitob bilan to\u02bbla boshlaydi va oxir-oqibat 330 ta kitob joylashtiriladi. Filmda Imom Buxoriyning xotirasida shunday katta ma\u02bclumot doimiy saqlangan, degan xulosa chiqariladi.<\/span><\/p>\n

6-pavilyon \u201cImom Buxoriy avlodlari<\/strong>\u201d deb nomlanib, unda yosh tomoshabinlarga muzey konsepsiyasidan o\u02bbrin olgan mavzular bilan o\u02bbyinli interaktiv eksponatlar orqali tanishish, o\u02bbrganish va kashf qilish imkoniyati berilgan. So\u02bbnggi yillarda bolalar bo\u02bblimlariga ega muzeylar sonining ko\u02bbpayishi muzey olamidagi eng tez rivojlanayotgan tendensiyalardan biri hisoblanadi. Yosh tomoshabinlar uchun muzeylarning bolalar bo\u02bblimida olgan ilk tajribasi ularning ongida mavzu haqida tasavvur shakllanishida muhim ahamiyatga egadir.<\/span><\/p>\n

Uchar gilamda tarixga sayohat 5D filmi 7 yoshdan yuqori bo\u02bblgan tomoshabinlarga o\u02bbrta asrlardagi islom olami shaharlari bilan yaqindan tanishish imkonini beradi. Tomoshabinlarga Imom Buxoriy sayohat qilgan (Buxoro, Bag\u02bbdod, Madina, Makka kabi) qadimgi shaharlarga sayohatga taklif etiladi. Uch o\u02bblchamli film namoyishi davomida undagi voqea va hodisalar bilan hamohang harakatlanuvchi maxsus o\u02bbrindiqda o\u02bbtirgan tomoshabinlar o\u02bbzini qadimiy maskanlar bo\u02bbylab uchar gilamda sayohat qilayotgandek his qiladi. Har bir seansda bitta tarixiy maskanga sayohat qilish imkoni beriladi. Har bir sayohat 3-5 daqiqa davom etadi. Shu sababdan ushbu mashg\u02bbulotdan bir necha marta foydalanish mumkin.<\/span><\/p>\n

Yosh Muhammad ibn Ismoil bilan birga xotira o\u02bbyini (Interaktiv immersiv proyeksiya).<\/em><\/strong><\/span><\/p>\n

Imom Buxoriy ilmiy merosi va uning shaxsiy fazilatlari bevosita xotira bilan bog\u02bbliq. Imom Buxoriy yoshligidan ma\u02bclumotlarni tez va bexato yodda saqlab qolish salohiyatiga ega bo\u02bblgan. Allomaning bunday fazilati haqida tasavvur shakllantirish uchun yosh tomoshabinlar xotira bilan bog\u02bbliq interaktiv o\u02bbyinga taklif etiladi. O\u02bbyinning asosiy qahramoni sifatida Imom Buxoriyning yoshlik qiyofasi shakllantiriladi.<\/span><\/p>\n

Barcha taraflariga interaktiv proyeksiya tushirilgan maxsus xonada tomoshabinlarni yosh Muhammad ibn Ismoil kutib oladi.
\n<\/strong>10-15 daqiqa davom etadigan interaktiv mashg\u02bbulotda bir necha tomoshabin jamoa shaklida ishtirok etishi mumkin. Xotira o\u02bbyinida tomoshabinlar xotira va ma\u02bclumotlarni eslab qolish bilan bog\u02bbliq vazifalarni o\u02bbyin qahramoni bilan birgalikda bajaradi.\u00a0<\/span><\/p>\n

7-pavilyon \u201cAl-Jome\u02bc as-sahih\u201d \u2013 Islom dinining ikkinchi manbasi\u201d <\/strong>deb nomlangan. Asar hadisshunoslik sohasida umume\u02bctirof etilgan mo\u02bbtabar kitob bo\u02bblib, islom olamida Qur\u02bconi karimdan keyingi manba hisoblanadi. Shu sababdan ushbu pavilyonda mazkur asarning ilmiy-amaliy, hayotiy ahamiyatini ko\u02bbrsatib berish maqsad qilingan.<\/span><\/p>\n

\u201cAl-Jome\u02bc as-sahih\u201dga berilgan ta\u02bcriflar.<\/strong><\/span><\/p>\n

Matnli panno.<\/em>\u201cAl-Jome\u02bc as-sahih\u201d asari haqida ma\u02bclumot<\/em><\/strong><\/span><\/p>\n

Asar hadis ilmi va musulmonlar orasida qisqacha \u201cAl-Jome\u02bc as-sahih\u201d, aksar hollarda esa \u201cSahihul Buxoriy\u201d nomi bilan mashhur ekani ma\u02bclum. Hadis kitoblarining o\u02bbttizdan ortiq turlari mavjud. Ular o\u02bbz yo\u02bbnalishi va maqsad qilgan mavzular qamroviga qarab bir biridan farq qiladi. Birinchi tur hadis kitobi \u201cJome\u02bc\u201d deyiladi.<\/span><\/p>\n

Hadis sahih bo\u02bblishiga doir Imom Buxoriyning shartlari<\/em><\/strong><\/span><\/p>\n

Al-Jome\u02bc as-sahih\u201d asari o\u02bbzida sahih hadislarni jam qilgan ekan, hadis sahih bo\u02bblishi uchun Imom Buxoriyning o\u02bbz shartlari borligini ham bilishimiz kerak. Mustalahul hadis ilmi ulamolari istilohida \u201cSahih hadis \u2013 sanadi boshidan oxirigacha adolatli va zobtli kishi o\u02bbziga o\u02bbxshagan adolatli va zobtli kishidan muttasil (uzluksiz) sanad ila naql qilgan hamda shoz va illatli bo\u02bblmagan hadisdir\u201d.<\/span><\/p>\n

Sanadning muttasil bo\u02bblishi. <\/em><\/strong>Hadisni uning roviylaridan har biri o\u02bbzidan oldingi roviydan to\u02bbg\u02bbridan to\u02bbg\u02bbri olgan bo\u02bblishi kerak. Sanad avvalgi roviydan boshlab oxirgisigacha xuddi shunday bo\u02bblishi kerak. Orada biror kishi tushib qolmasligi shart.<\/span><\/p>\n

\u201cAl-Jome\u02bc as-sahih\u201dning dunyo fondlardagi nusxalari<\/em><\/strong><\/span><\/p>\n

Ushbu qismda \u201cAl-Jome\u02bc as-sahih\u201dning yurtimiz hamda dunyo kutubxona fondlarida saqlanayotgan nodir nusxalaridan namunalar mulyaji va infokioska joylashtirilgan. Infokioskada nusxalarni tanlash orqali ular to\u02bbg\u02bbrisida batafsil ma\u02bclumot olish mumkin.<\/span><\/p>\n

8-pavilyon <\/strong>\u201c<\/strong>Imom Buxoriy merosi va bugungi kundagi ahamiyati<\/strong>\u201d<\/strong> deb nomlangan. Imom Buxoriy kitoblari va rivoyat qilgan hadislarining hozirgi yoshlar tarbiyasida ahamiyati yuqoriligini inobatga olib, muzeyning ushbu qismiga alohida e\u02bctibor qaratilgan. Pavilyon markazidagi yirik lavh ustida Imom Buxoriyning \u201cAl-Jome\u02bc as-Sahih\u201d asarining yirik hajmdagi maketi o\u02bbrin olgan. Maket atrofidan o\u02bbngdan chapga qarab, soat harakatiga teskari ravishda qog\u02bboz shiftga qarab aylanib, ko\u02bbtarilib chiqqan. Qog\u02bbozning boshlanish qismida \u201cAlbatta, amallar niyatga bog\u02bbliqdir\u201d hadisi uchta tilda xattotlik usulida yozilgan. Qog\u02bbozning davomi (mato ko\u02bbrinishida) pavilyon bo\u02bbylab aylanishda davom etgan va unga alloma rivoyat qilgan sara hadislar yozilgan. Matolar orasining kengligi matnlarni o\u02bbqishga imkon beradi hamda orasidan yorug\u02bblik tushib turadi. Installyatsiyaning davomi pavilyonning shiftiga aylanib, bugungi kunimizda islom me\u02bcmorchiligida o\u02bbrin olgan devoriy xattotlik yozuvlari ko\u02bbrinishiga aylanib ketgan. Pavilyonning \u201cAl-Jome\u02bc as-Sahih\u201d asari boshida keltirilgan \u201cAlbatta, amallar niyatga bog\u02bbliqdir\u201d hadisi installyatsiyasi o\u02bbrin olgan va u jahonning 22 tiliga tarjima qilingan. Ushbu hadis kundalik hayotimizda sodir bo\u02bblayotgan barcha amallar o\u02bbzagini tashkil etadi.<\/span><\/p>\n

Saralangan hadislar<\/em><\/strong><\/span><\/p>\n

Pavilyon atrofidagi proyeksion devorga tutash holda Imom Buxoriy rivoyat qilgan hadislar kartotekasi joylashgan. Foydalanuvchilar maxsus vitrina ustiga terilgan hadis taxtachalarini ko\u02bbtarib, uning ichida yozilgan hadislarni o\u02bbqish imkoniyatiga ega bo\u02bbladi.<\/span><\/p>\n

9-pavilyon \u201cYangi O\u02bbzbekistonda diniy-ma\u02bcrifiy islo<\/strong>h<\/strong>otlar va Imom Buxoriy merosiga e\u02bctibor\u201d <\/strong>deb nomlanib, unda mustaqillik yillarida va Yangi O\u02bbzbekistonda amalga oshirilayotgan diniy-ma\u02bcrifiy sohadagi islohotlar, xususan, hadis ilmi sultoni \u2013 Imom Buxoriyning Vatan, millat va din manfaatlari yo\u02bblida qilgan xizmatlarini munosib baholash va ruhini shod etish maqsadida olib borilgan obodonlashtirish ishlari, allomaning ulkan merosini ilmiy asosda chuqur o\u02bbrganish hamda xalqimizga yetkazishga qaratilgan tarjima va nashr ishlari hamda Imom Buxoriy merosini yurtimiz va jahon jamoatchiligi o\u02bbrtasida keng targ\u02bbib etish maqsadida qabul qilingan normativ hujjatlar haqida ma\u02bclumot berilgan.<\/span><\/p>\n

1\u2010<\/strong>qism. <\/strong>Mustaqillikdan oldingi holat<\/strong><\/span><\/p>\n

Ushbu qism mamlakatimiz mustaqillikka erishgunga qadar bo\u02bblgan davrda Imom Buxoriy shaxsiyati, ilmiy merosi va qadamjolari holatini ko\u02bbrsatib berishga qaratilgan eksponatlardan iborat. Unda mustamlakachilik va sovet mustabid tuzumi davrida milliy va diniy qadriyatlarimiz qatori Imom Buxoriy abadiy qo\u02bbnim topgan Hartang qishlog\u02bbidagi ziyoratgoh ham tashlandiq va abgor holda bo\u02bblgani, allomaning ilmiy merosi tugul nomini xotirlashning o\u02bbziyoq tuzum mafkurasiga xilof sanalishini ochib beruvchi ko\u02bbrgazmalarga e\u02bctibor qaratilgan.<\/span><\/p>\n

1.1. Mustaqillikdan avvalgi davrda Imom Buxoriyga e\u02bctibor<\/em><\/strong><\/span><\/p>\n

Videofilm<\/em><\/strong><\/span><\/p>\n

Mustaqillikdan avvalgi davrda Imom Buxoriyga e\u02bctibor haqida videofilm<\/em><\/strong><\/span><\/p>\n

Ushbu qismda mustabid tuzum davrida alloma qabrining oyoqosti qilinishi, tashlandiq holatga tushib qolgan holati, mustaqillik yillarida esa obodonlashtirish ishlari olib borilgani va yangi O\u02bbzbekiston davrida majmuaning yangitdan qad rostlagani haqida videofilm namoyish etiladi.<\/span><\/p>\n

1.2. Imom <\/em><\/strong>Buxoriy<\/em><\/strong> maqbarasining ko\u02bbrinishi<\/em><\/strong><\/span><\/p>\n

Maket.<\/em><\/span><\/p>\n

Maqbaraning mustaqillikdan avvalgi ko\u02bbrinishi<\/em><\/strong><\/span><\/p>\n

Ushbu qismda Imom Buxoriy maqbarasining mustaqillikdan oldingi xaroba va abgor holatini aks ettiruvchi maket joylashtirilgan bo\u02bblib, uning yonida majmua holatiga taalluqli tushuntirishlar yozib qo\u02bbyilgan.<\/span><\/p>\n

2\u2010<\/strong>qism<\/strong>: <\/strong><\/span><\/p>\n

Mustaqillik yillaridagi ilk islohotlar<\/strong><\/span><\/p>\n

2.1. Imom Buxoriy maqbarasining obodonlashtirilishi<\/em><\/strong><\/span><\/p>\n

Maket<\/em><\/span><\/p>\n

Mustaqillik yillarida obodonlashtirilgan holati<\/em><\/strong><\/span><\/p>\n

Ushbu qismga mustaqillik yillarida obodonlashtirilgan holatdagi ziyoratgoh maketi joylashtirilgan. Maket yonida majmua holatiga taalluqli tushuntirishlar (majmuaning o\u02bbziga xosligi, sig\u02bbimi va afzalliklari) yozib qo\u02bbyilgan.<\/span><\/p>\n

2.2. Imom Buxoriy xalqaro markazining tashkil etilishi<\/em><\/strong><\/span><\/p>\n

Maket.<\/em><\/strong><\/span><\/p>\n

3-qism. Yangi O\u02bbzbekistonda Imom Buxoriy merosiga e\u02bctibor<\/strong><\/span><\/p>\n

Ushbu qismda Yangi O\u02bbzbekistonda Imom Buxoriy hayoti va ilmiy merosini o\u02bbrganish davlat siyosati darajasiga ko\u02bbtarilgani va Imom Buxoriy majmuasi butunlay yangi qiyofaga kirganini aks ettiruvchi ko\u02bbrgazmalar joylashtirilgan. Bunda quyidagi jihatlarga alohida e\u02bctibor qaratilgan:<\/span><\/p>\n