{"id":44035,"date":"2025-07-21T08:59:18","date_gmt":"2025-07-21T03:59:18","guid":{"rendered":"https:\/\/www.bukhari.uz\/?p=44035"},"modified":"2025-07-21T13:05:46","modified_gmt":"2025-07-21T08:05:46","slug":"shamoilun-nabaviyning-markaz-qo%ca%bblyozmalar-fondida-saqlanayotgan-nodir-qo%ca%bblyozma-nusxasi","status":"publish","type":"post","link":"https:\/\/bukhari.uz\/?p=44035&lang=oz","title":{"rendered":"\u201cSHAMOILUN NABAVIY\u201dNING MARKAZ QO\u02bbLYOZMALAR FONDIDA SAQLANAYOTGAN NODIR QO\u02bbLYOZMA NUSXASI"},"content":{"rendered":"

Movarounnahr hadis maktabining yirik vakili, mashhur muhaddis Imom Termiziy 209\/824-yili Termiz yaqinidagi (hozirgi Surxondaryo viloyatining Sherobod tumani hududida joylashgan) Bug\u02bb qishlog\u02bbida, o\u02bbrtahol oilada tavallud topgan. Allomaning to\u02bbliq ismi \u2013 Abu Iso Muhammad ibn Iso ibn Savra ibn Muso ibn Zahhok Sullamiy Termiziy bo\u02bblib, Abu Iso uning kunyasi, Muhammad ismi, Iso otasining ismi, Savra bobosining ismi, Termiziy tug\u02bbilgan joyiga nisbadir.<\/span><\/p>\n

Imom Termiziyning yoshlik yillari Termizda o\u02bbtib, dastlabki ta\u02bclimni ham shu shaharda olgan. 20 yoshida Xurosonga borib, Is\u02bchoq ibn Rohavayh Marvaziydan ta\u02bclim olgan. 25 yoshida Basraga, so\u02bbng Hijozga borib ta\u02bclimni davom ettirgan. 20 yil davomida turli yurtlarda hadislarni o\u02bbrganib, to\u02bbplab, boshqalarga o\u02bbrgatgan. 250\/864-yilda Termizga qaytib kelgan.<\/span><\/p>\n

Imom Termiziy Qutayba ibn Said Saqafiy Bag\u02bbloniy (vaf. 240\/854-y.)[1]<\/sup><\/a>, Abdulloh ibn Muoviya Jumahiy (vaf. 243\/857-y. ), Ali ibn Hujr Marvaziy (vaf. 244\/858-y.), Suvayd ibn Nasr ibn Suvayd Marvaziy (vaf. 241\/855-y.), Abd ibn Humayd Keshiy (vaf. 249\/863-y.), Abu Muhammad Abdulloh ibn Abdurahmon ibn Fazl Samarqandiy Dorimiy (vaf. 255\/869-y.) va Abu Abdulloh Muhammad ibn Ismoil Buxoriy (vaf. 256\/870-y.) kabi mashhur muhaddislarga shogird bo\u02bblib, ulardan hadis rivoyat qilgan.<\/span><\/p>\n

Imom Termiziy olti mashhur muhaddis \u2013 \u201ckutubi sitta\u201d sohiblarining to\u02bbrtinchisidir.<\/span><\/p>\n

Alloma 279\/892-yil o\u02bbzi tug\u02bbilib o\u02bbsgan qishloqda vafot etgan va o\u02bbsha yerda dafn qilingan[2]<\/a>.<\/span><\/p>\n

Alloma o\u02bbzidan boy ilmiy meros qoldirgan. Ularning aksariyati bizgacha yetib kelgan.<\/span><\/p>\n

    \n
  1. \u201cSunani Termiziy\u201d;<\/span><\/li>\n
  2. \u201cShamoilun nabaviy\u201d (\u201cNabaviy xulq asoslari\u201d);<\/span><\/li>\n
  3. \u201cIlalu fil hadis\u201d (\u201cHadislardagi illatlar\u201d);<\/span><\/li>\n
  4. \u201cRisolatu fil xilofi val jadal\u201d (\u201cHadislardagi ixtilof va bahslar haqida risola\u201d);<\/span><\/li>\n
  5. \u201cKitobut tarix\u201d;<\/span><\/li>\n
  6. \u201cKitobuz zuhd\u201d (\u201cZohidlik kitobi\u201d);<\/span><\/li>\n
  7. \u201cKitobul asmou val kunya\u201d (\u201cIsmlar va kunyalar kitobi\u201d);<\/span><\/li>\n
  8. \u201cAsmous sahoba\u201d (\u201cSahobalarning ismlari\u201d) kabi asarlar shular jumlasidandir.<\/span><\/li>\n<\/ol>\n

    Imom Termiziyning \u201cJomi\u02bcus sahih\u201d (\u201cIshonchli to\u02bbplam\u201d) asari \u201cSunani Termiziy\u201d, \u201cJomi\u02bcul kabir\u201d (\u201cKatta to\u02bbplam\u201d) yoki (\u201cSahihi Termiziy\u201d) nomlari bilan mashhur bo\u02bblib, u 6 ishonchli hadis to\u02bbplamining to\u02bbrtinchisi hisoblanadi. Allomaning Payg\u02bbambarimiz Muhammad sollallohu alayhi vasallamning shaxsiy hayoti, U zotning surati, siyrati, ajoyib fazilatlari va odatlariga bag\u02bbishlangan yana bir mashhur asari \u201cShamoilun nabaviy\u201d bo\u02bblib, u 400dan ortiq hadis[3]<\/a>ni o\u02bbz ichiga olgan.<\/span><\/p>\n

    Darhaqiqat, dunyoda hech bir insonning tarixi Payg\u02bbambarimiz Muhammad sollallohu alayhi vasallamning tarixlari kabi mukammal o\u02bbrganilmagan. U zotning sunnatlari, xalqiy va xulqiy sifatlarini vasf etuvchi hadislar ko\u02bbplab muhaddislar tomonidan kitobat qilingan. Ular orasida Imom Termiziy qalamiga mansub \u201cShamoilun nabaviy\u201d asarining ilmiy va tarbiyaviy ahamiyati juda yuqoridir. U o\u02bbziga xos uslubi bilan Payg\u02bbambar alayhissalom shamoyillariga oid boshqa asarlardan alohida ajralib turadi. Mazkur asar ko\u02bbp asrlardan buyon nafaqat tadqiqotchi olimlarning, balki Payg\u02bbambar alayhissalomning siyrat va fazilatlarini o\u02bbrganishga qiziqqan barcha musulmonlarning e\u02bctiborini o\u02bbziga tortib keladi.<\/span><\/p>\n

    \u201cShamoil\u201d arabcha \u201cshamila\u201d so\u02bbzining ko\u02bbpligi bo\u02bblib, \u201cfazilat\u201d, \u201ctabiat\u201d, \u201cxulq-atvor\u201d kabi ma\u02bcnolarni anglatadi.<\/span><\/p>\n

    Asarni mazmun-mohiyatiga ko\u02bbra ikki qismga bo\u02bblish mumkin.<\/span><\/p>\n

      \n
    1. Xalqiy sifat \u2013 tashqi sifat;<\/span><\/li>\n
    2. Xulqiy sifat \u2013 ichki sifat.<\/span><\/li>\n<\/ol>\n

      Xalqiy sifat.<\/strong> Bunga Payg\u02bbambar alayhissalomning xalqiy sifatlari \u2013 surat (tashqi qiyofa)larini tavsiflagan hadislar kiradi. Ularga ko\u02bbra, Payg\u02bbambarimiz sollallohu alayhi vasallam suyagi yirik, o\u02bbrta bo\u02bbyli, gavdali, baquvvat, xushbichim, ko\u02bbkraklari keng, qorinlari bilan ko\u02bbkraklari bir (tekis), qo\u02bbllari go\u02bbshtdor, peshonalari keng va ko\u02bbzlari katta-katta bo\u02bblganini bilib olish mumkin.<\/span><\/p>\n

      Xulqiy sifat.<\/strong> Bunga Payg\u02bbambar alayhissalomning siyratlari \u2013 ichki dunyosi va axloqiy sifatlariga oid hadislar kiradi. Ular orqali Payg\u02bbambarimiz Muhammad alayhissalom axloqiy jihatdan namunaviy, mukammal bir siymo bo\u02bblganini bilib olish mumkin. Jumladan, u zot kattayu kichik, erkak-ayol, boy-kambag\u02bballar bilan bir xil muomalada bo\u02bblganlar. Biror kishi nojo\u02bbya ish qilib, uzr so\u02bbrasa, darhol qabul qilganlar. Yo\u02bblda uchragan barcha insonlarga birinchi bo\u02bblib salom berib, samimiy hol-ahvol so\u02bbraganlar.<\/span><\/p>\n

      Mazkur asarning qo\u02bblyozma nusxalari Er kurrasining deyarli barcha mintaqalaridagi arxiv, muzey va kutubxonalarda saqlanib kelmoqda. Lekin mamlakatimiz xazinalarida \u201cShamoilun nabaviy\u201dning qo\u02bblyozma nusxalari kam uchraydi[4]<\/a>.<\/span><\/p>\n

      Jumladan:<\/span><\/p>\n

      Uning ikkita qo\u02bblyozma nusxasi Imom Buxoriy xalqaro ilmiy-tadqiqot markazi manbalar xazinasida inv.\u211671 va inv.428\/II raqamlari ostida saqlanmoqda. Ulardan biri \u2013 \u2116428 raqam ostida saqlanayotgani majmua tarkibida.<\/span><\/p>\n

      Majmuada quyidagi o\u02bbn asar jamlangan:<\/span><\/p>\n

        \n
      1. Shamsiddin Muhammad ibn Muhammad ibn Muhammad Jazariy \u2013 \u201cAl-Hisn al-hasin min kalom sayd al-mursalin\u201d (v. 1b<\/sup>-78b<\/sup>);<\/span><\/li>\n
      2. Abu Iso Muhammad Iso ibn Savra Termiziy \u2013 \u201cShamoilun nabaviy\u201d (v. 79b<\/sup>-147a<\/sup>);<\/span><\/li>\n
      3. Abu Zakariyyo Yahyo ibn Sharofiddin ibn Murriy ibn Hasan Hizomiy Huvroniy Navaviy \u2013 \u201cArba\u02bcin hadis\u201d (v. 148b<\/sup>-162a<\/sup>);<\/span><\/li>\n
      4. Hofiz Jaloliddin Abdurahmon ibn Abu Bakr Suyutiy \u2013 \u201cKitobul lubob\u201d (v. 163b<\/sup>-178a<\/sup>);<\/span><\/li>\n
      5. Abu Abdulloh Muhammad ibn Ismoil Buxoriy \u2013 \u201cAl-Ahodis as-sulosiyot\u201d (v. 180a<\/sup>-184a<\/sup>);<\/span><\/li>\n
      6. Muallifi noma\u02bclum bo\u02bblgan \u201cKa\u02bcbul axbor\u201d asari (v. 184b<\/sup>-203a<\/sup>);<\/span><\/li>\n
      7. Muallifi noma\u02bclum bo\u02bblgan \u201cMuxtasaru jomi\u02bc\u201d asari (v. 204b<\/sup>-211a<\/sup>);<\/span><\/li>\n
      8. Muhammad Amin ibn Ubaydulloh Muminobodiy \u2013 \u201cSharhu faroizis Sirojiya\u201d asari (v. 212b<\/sup>-266a<\/sup>);<\/span><\/li>\n
      9. Muallifi noma\u02bclum \u201cAnvoi hisob\u201d (Hisobning navlari) asari (v. 266b<\/sup>-268b<\/sup>);<\/span><\/li>\n
      10. Abdurahmon ibn Ahmad Jomiy Abdurohman \u2013 \u201cRisolai sag\u02bbir dar muammo\u201d asari (v. 269b<\/sup>-270a<\/sup>).<\/span><\/li>\n<\/ol>\n

        Majmua tarkibidagi (inv. \u2116 428\/II) ikkinchi manba Abu Iso Muhammad ibn Iso ibn Savra Termiziyning \u201cShamoilun nabaviy\u201d asari bo\u02bblib, u Rasululloh sollallohu alayhi vasallamning fazilati, tabiati va xulq-atvori hamda xalqiy va xulqiy sifatlari bobida tengsiz manba hisoblanadi. Asar 69 varaq (79b<\/sup>-147b<\/sup>)dan iborat bo\u02bblib, 56 bob va 415 hadisdan tashkil topgan.<\/span><\/p>\n

        Asar 79b<\/sup> varaqdan basmala bilan quyidagicha boshlangan.<\/span><\/p>\n

        \u0628\u0633\u0645 \u0627\u0644\u0644\u0647 \u0627\u0644\u0631\u062d\u0645\u0646 \u0627\u0644\u0631\u062d\u064a\u0645 \u0627\u0644\u062d\u0645\u062f \u0644\u0644\u0647 \u0648\u0633\u0644\u0627\u0645 \u0639\u0644\u06cc \u0639\u0628\u0627\u062f\u0647 \u0627\u0644\u0630\u06cc\u0646 \u0627\u0635\u0637\u0641\u06cc \u0642\u0627\u0644 \u0627\u0644\u0634\u06cc\u062e \u0627\u0644\u062d\u0627\u0641\u0638 \u0627\u0628\u0648 \u0639\u06cc\u0633\u06cc \u0645\u062d\u0645\u062f \u0628\u0646 \u0639\u06cc\u0633\u06cc \u0628\u0646 \u0633\u0624\u0631\u0629 \u0627\u0644\u062a\u0631\u0645\u0632\u06cc \u0631\u062d\u0645\u0629 \u0627\u0644\u0644\u0647 \u062a\u0627\u0644\u0649 \u0628\u0627\u0628 \u0645\u0627\u062c\u0622\u0621 \u0641\u0649 \u062e\u0644\u0642 \u0631\u0633\u0648\u0644 \u0627\u0644\u0644\u0647 \u0635\u0644\u0649 \u0627\u0644\u0644\u0647 \u0639\u0644\u064a\u0647 \u0648\u0633\u0644\u0645 …<\/span><\/strong>[5]<\/a>.<\/span><\/p>\n

        Mehribon va rahmli Alloh nomi bilan boshlayman. Allohga hamdu sano va tanlab olingan bandalari (payg\u02bbambarlari)ga salomlar bo\u02bblsin. Shayx, hofiz Abu Iso Muhammad ibn Iso ibn Savra Termiziy aytadi: \u201cRasululloh sollallohu alayhi vasallamning xalqiy sifat (tashqi ko\u02bbrinish)lari haqida kelgan rivoyatlar bobi\u201d.<\/span><\/p>\n

        Undan so\u02bbng ilk hadis keltirilgan:<\/span><\/p>\n