{"id":22122,"date":"2022-05-26T08:42:02","date_gmt":"2022-05-26T03:42:02","guid":{"rendered":"https:\/\/www.bukhari.uz\/?p=22122"},"modified":"2022-05-25T19:42:19","modified_gmt":"2022-05-25T14:42:19","slug":"din-nasihatdir","status":"publish","type":"post","link":"https:\/\/bukhari.uz\/?p=22122&lang=oz","title":{"rendered":"DIN NASIHATDIR"},"content":{"rendered":"

\u0642\u064e\u0627\u0644 \u0631\u0633\u0648\u0644 \u0627\u0644\u0644\u0647 ( \u0635\u0644\u0649 \u0627\u0644\u0644\u0647 \u0639\u0644\u064a\u0647 \u0648\u0633\u0644\u0645 ) : \u0627\u0644\u062f\u0651\u0650\u064a\u0646\u064f \u0627\u0644\u0646\u0651\u064e\u0635\u0650\u064a\u062d\u064e\u0629\u064f \u0644\u0650\u0644\u0651\u064e\u0647\u0650 \u0648\u064e\u0644\u0650\u0631\u064e\u0633\u064f\u0648\u0644\u0650\u0647\u0650 \u0648\u064e\u0644\u0623\u0626\u0650\u0645\u0651\u064e\u0629\u0650 \u0627\u0644\u0652\u0645\u064f\u0633\u0652\u0644\u0650\u0645\u0650\u064a\u0646\u064e \u0648\u064e\u0639\u064e\u0627\u0645\u0651\u064e\u062a\u0650\u0647\u0650\u0645\u0652<\/strong><\/span><\/p>\n

Rasululloh sollallohu alayhi vasallam dedilar: \u201cDin Alloh va uning Rasuli uchun hamda musulmonlarning rahbarlari va barcha musulmonlar uchun\u00a0 qilinadigan nasihatdir!\u201d.[1]<\/a><\/strong><\/span><\/p>\n

Ulamolar Islom dinining mohiyati shu hadisda jamlangan, deb aytgan. Hadisda Rasululloh sollallohu alayhi vasallam qisqa iboralar bilan ma\u02bcnolarni ifodalab,\u00a0 islom dinining asosi nasihat uzra qurilganligini ta\u02bckidladilar. Darhaqiqat, islom dinining asosiy manbasi hisoblangan Qur\u02bconi karimda ham\u00a0\u201c\u2026\u00a0<\/strong>Allohga va Rasuliga\u00a0<\/strong>sodiq<\/strong>\u00a0bo\u02bblsalar, nasihat qilsalar, gunoh yo\u02bbq<\/strong>\u2026 \u201d[2]<\/a><\/strong>\u00a0deb ta\u02bckidlanadi.\u00a0\u201cBiz ushbu kitobda biron narsani bayonsiz qoldirmadik\u201d[3]<\/a><\/strong>\u00a0oyatida ta\u02bckidlanganidek, Alloh taoloning Kitobi dinning barcha masalalarini o\u02bbzida mujassam etgan. Inson o\u02bbziga berilgan hayot davomida qanday umrguzaronlik qilishi, nimalardan saqlanishi va barcha-barchasi Kitobda o\u02bbz ifodasini topgan. Shuning uchun kim unga imon keltirib amal qilsa, shariatning hammasini ijro etgan bo\u02bbladi. Alloh taolodan savob umidida diniy va dunyoviy nasihatlarni so\u02bbzlaydigan har bir nasihatgo\u02bby musulmon hidoyatga chaqiruvchidir.\u00a0<\/span><\/p>\n

Hadis matnida kelgan \u201cdin\u201d so\u02bbzi arabcha so\u02bbz bo\u02bblib, mulk, hukm, hisob, jazo, tadbir, bo\u02bbysunish, itoat qilish, ibodat, parhez, yo\u02bbl tutish, odat qilish, e\u02bctiqod qilish kabi ma\u02bcnolarni anglatadi.<\/span><\/p>\n

\u00a0Shuningdek, \u201cdin\u201d so\u02bbzi arab tilida turli ma\u02bcnolarda ham qo\u02bbllaniladi, Masalan, Qur\u02bconi karimda \u201cdin\u201d so\u02bbzi turli ma\u02bcnolarda100dan ortiq marotaba keltirilgan bo\u02bblib, bu ma\u02bcnolarning hammasi ayni vaqtdagi din atamasida ham o\u02bbz aksini topgan.<\/span><\/p>\n

\u201cDin\u201dda Allohning mulki, hukmi, qiyomatdagi hisob-kitobi, osiylarni jazolashi, tadbir qilish kabi ma\u02bcnolari mavjud. Shuningdek, bandaning bo\u02bbysunishi, itoat qilishi, ibodati, parhezkorligi, Alloh ko\u02bbrsatgan\u00a0 yo\u02bblni\u00a0 tutishi,\u00a0 ma\u02bclum\u00a0 ishlarni odat va e\u02bctiqod qilishi kabi ma\u02bcnolarni ham o\u02bbzida\u00a0 ifodalaydi. Yuqoridagi fikrlardan kelib chiqqan holda \u201cdin\u201d Alloh bilan banda orasida bo\u02bblishi kerak bo\u02bblgan aloqalar yig\u02bbindisi ekanligini anglash mumkin.\u00a0Musulmon\u00a0 ulamolar\u00a0 mazkur\u00a0 ma\u02bcnolarni e\u02bctiborga olgan holda \u201cdin\u201dni \u201cSog\u02bblom aql egalarini ularning o\u02bbz ixtiyorlariga binoan bu dunyoda salohiyatga, u dunyoda najotga eltuvchi ilohiy ko\u02bbrsatmalar\u201d deb ta\u02bcriflagan.[4]<\/strong><\/a><\/em><\/span><\/p>\n

Demak, din \u2013 insonlarni ezgu va xayrli amallarga chorlab, yomon va qabih ishlardan qaytarib turuvchi, e\u02bctiqod va amal borasida insonning butun bir hayot yo\u02bblini belgilab beruvchi ilohiy dasturdir. Imom Buxoriy ham bu hadisni muhim ahamiyatga ega ekanligi uchun \u201cImon kitobi\u201dda alohida bob ochib, ushbu hadis bilan boshladi.<\/span><\/p>\n

\u00a0\u201cNasihat\u201d so\u02bbzi ham xulus (xolis) \u2013 pokiza, toza\u201d degan ma\u02bcnolarni anglatib, biror kishiga nasihat qilmoqchi bo\u02bblgan inson o\u02bbz qalbidagi pokiza narsalarini unga berishidir. Nasihat qilayotgan odam o\u02bbzi pokiza bo\u02bblmog\u02bbi va qalbidagi pokiza narsalarni birovga ulashmog\u02bbi darkor.<\/span><\/p>\n

Jamiyatimizdagi ziyoli olimlar ulg\u02bbayib kelayotgan yosh avlodni nasihat bilan ziynatlamog\u02bbi, o\u02bbzlarining xayrli ishlari bilan o\u02bbrnak bo\u02bblmog\u02bbi lozim.\u00a0 Chunki, nasihat bilmagan kishiga bilmaganini o\u02bbrgatadi, bilganga bilganini yodiga soladi. Din nasihat bilan qoim turadi. Nasihat tinglaganlar ikki dunyoda saodatli bo\u02bbladi. Dono xalqimizda aytilganidek:<\/span><\/p>\n

Nasihat tinglaganlar, bilingkim ahli davlatdur.<\/span><\/p>\n

Islom dini insonlarni, o\u02bbzaro hamjihatlikda yashashga, bir-birlariga samimiy munosabatda bo\u02bblib, yaxshi ishlarga buyurishga va yomon ishlardan qaytarishga targ\u02bbib etadi. Zero, muqaddas dinimizning bosh g\u02bboyasi nasihat, ya\u02bcni samimiylikdan iborat bo\u02bblib, barcha payg\u02bbambarlar mana shu burch bilan yuborilgan.<\/span><\/p>\n

Shariati islomda har bir amalning shartlari va tartibi bo\u02bblganidek, nasihatning ham o\u02bbz shartlari va odoblari bor;<\/span><\/p>\n